Maako 1:14 - Baibo Busansulushi Bwa Libuku Ili

¹⁴ Joni ndibakamubika muntolongo, Jesu wakaya kuGalili kaashimikila Makani Abotu akwe Lesa.

Maako 1:14 Referans Kwoze

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Mateyo 4:12

Ono Jesu ndyaakanyumfwa ayi Joni bakamubika muntolongo, wakaya mukwikala mucishi ca Galili.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Luka 8:1

Kuswawaawo Jesu wakeenda mumandabala amumishi, kaaya cishimikila Makani Abotu a Bweene bwakwe Lesa. Wakalinga abashikwiiya bali likumi abobilo

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

Mateyo 9:35

Jesu wakaya ceenda mumandabala oonse amumishi. Wakalinga kuya ciisha mushoonde sha baJuda akushimikila Makani Abotu a Bweene bwakwe Lesa alimwi akushilika malwashi apusenepusene.

Milimo ya Batumwi 20:25

“Ndakeenda muli ndimwe noonse, kaanja cishimikila makani a Bweene bwakwe Lesa. Sombi bulya ndishi kwaamba ayi taaku weshi akamboneewo alimwi.

Mateyo 14:2

Mpomunyaawo wakaambila bantu bakwe bacinenenene ayi, “Uyu nguJoni Mubombeki wabuka kuswa kubafu! Nceceeco ncaakonshela kucita shaankamiko ishi.”

Luka 3:20

Sombi Elodi lakwe wakeendilishaawo pabubi boonse pakwaanga Joni.

Mateyo 11:2

Ono Joni Mubombeki ndyaakalinga muntolongo, wakanyumfwa shamilimo yakwe Klistu, wakatuma bashikwiiya bakwe bamwi kuli Jesu

Mateyo 4:17

Kuswawaawo Jesu wakatalika kushimikila, kaamba ayi, “Amusanduke kuswa kushibiibi shanu mukwiinga Bweene bwakwe Lesa buli pafwaafwi!”

Bene Loma 1:1

Ndime Paulo musebenshi wakwe Jesu Klistu. Lesa wakansala akunjita kwaamba ayi mbe mutumwi wakushimikila Makani Abotu aswa kuli nguwe.