Lute 3:10 - Baibo Busansulushi Bwa Libuku Ili

¹⁰ Mpeeke Bowasi wakaamba ayi, “Mwaami Lesa aakupe coolwe. Ubu buumi mbowatondesha bweendaawo kubota kwiinda mbowakatondesha bapongoshi bako, muceebo tookwe kuyanda kweebwa kubacikula bwangunyoko, bakandu nabi babile.

Lute 3:10 Referans Kwoze

Lute 2:20

Naomi wakaamba ayi, “Lesa aape coolwe Bowasi. Mwaami Lesa ulashomeka kubaabo bacili boomi akubaabo bakafwa kale.” Lyalo wakatolelela kaamba ayi, “Ulya musankwa ngushikamukowa wesu mwiine mwiine alimwi ngowomwi pabaabo beelete kutulama cakuteenda mweela.”

Lute 1:8

Naomi wakabaambila ayi, “Amuboolele mukekaale abamanyinawanu. Mwaami Lesa aamucitile shintu shibotu bweenka mbomwakalinga kucitila baabo bakatushiya akuli ndime.

Lute 2:4

Ndipakeenda ciindi, Bowasi wakapola kuswa kuBetileemu akwaansha basebenshi ayi, “Mwaami Lesa aabe amwebo!” Abalo bakakumbula ayi, “Mwaami Lesa aamupe coolwe!”

Matalikilo 24:31

akwaamba ayi, “Katiya kuŋanda. Webo uli musankwa wapekwa coolwe kuswa kuMwaami Lesa. Tookoonshi kunokwiimfwi kokuno. Nkocili kale cipinda cabambilwa ndiwe muŋanda yangu alimwi amusena wa ngamela shako nkooli.”

Lute 3:9

Mpeeke wakeepusha ayi, “Anu ndiwe ni?” Alakwe wakakumbula ayi, “Ndime Lute nkambo. Ceebo cakwaamba ayi mwebo muli beshikamukowa beene beene, ndimwe mweelete kundama. Anu aboobo ndasengesha ayi mucite kweelana amulawo wesu.”

1 Samwelo 15:13

Samwelo ndyaakamucana, Saulo wakaamba ayi, “Mwaami Lesa aamupe coolwe! Ndaciita nshaakaamba Mwaami Lesa.”

Lute 2:11

Bowasi wakakumbula ayi, “Ndakanyumfwa shoonse nshewakacita kubapongoshi bako kuswabo beebayo ndibakafwa. Ndishi mbowakashiya baiso abanyoko, cishi cine mishaanu alimwi ambowakesa mukwikala pakati ka bantu mbowatakalinga kwishi.