Luka 9:33 - Baibo Busansulushi Bwa Libuku Ili

³³ Ndibakalinga kukumbulukabo bantu bobilo abo, Pita wakaambila Jesu ayi, “Nkambo, cabota abuumbi kwaamba ayi tuli waano. Atuyake nkunka shotatwe, imwi ibe yaanu, imwi yakwe Mose alimwi ayakwe Elija.” (Pita taakalinga kwishi ncaakalinga kwaamba.)

Luka 9:33 Referans Kwoze

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

Joni 14:8

Mpomunyaawo Filipo wakaambila Jesu ayi, “Nkambo, ncetusunibo nkwaamba ayi mututondeshe baIshiwanu.”

Luka 5:5

Simoni wakakumbula ayi, “NoBafundishi, swebo bwatuceta pamaanshi katusuni kucata nswi, sombi maawe akomuubo. Nakubi boobo toombe ntootuwaalaawo mukwiinga ndimwe mwaamba.”

Maako 10:38

Sombi Jesu wakabaambila ayi, “Tamucishi ncemutoosenga. Sa inga mwanwita munkomeshi ya mapensho njeshi nkanwiteemo? Sa inga mwabombekwa bweenka mbweshi nkabombekwe nebo?”

Mateyo 17:14

Ono ndibakashika kwakalinga bantu baanji, umwi muntu wakaya mukufukama kunembo lyakwe Jesu akwaamba ayi,

Kulumbaisha 73:28

Sombi nebo ndikondetwe kuba pafwaafwi aLesa. Mwaami Lesa Shinkusu shoonse waba nceciyubilo cangu. Ncakwiila nebo ndaakushimikila shamicito yakwe yoonse.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Mateyo 17:4

Ndyaakabona boobo, Pita wakaambila Jesu ayi, “Nkambo, cabota abuumbi kwaamba ayi tuli waano! Na kamusuni, ntooyaka nkunka shotatwe, imwi ibe yaanu, imwi yakwe Mose alimwi ayakwe Elija.”

Luka 9:34

Kaacaambabo, kwakaboneka likumbi lyakabafwekelesha. Bashikwiiya abo bakaloonda likumbi ndilyakabafwekelesha boonse.

Luka 9:49

Mpeeke Joni wakaamba ayi, “NoBafundishi, twakabona muntu umwi wakalinga kukusha bashikaswa muliina lyanu, ono twakamukasha ceebo teshi wa mulikoto lyesu.”