Luka 9:28 - Baibo Busansulushi Bwa Libuku Ili

²⁸ Ndipakeenda nshiku shosanwe ashotatwe Jesu ndyaakamana kwaamba makani aya, wakatola Pita, Joni alimwi aJemusi pakalundu mukupaila.

Luka 9:28 Referans Kwoze

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

Kulumbaisha 109:4

Balo balandwana nabi nebo ndibasuni, nabi bancite boobo, nebo ndabapaililako.

Luka 9:18

Bumwi bushiku Jesu kaapaila eenka, bashikwiiya bwakwe abalo bakalingaawo pafwaafwi. Mpeeke wakabeepusha ayi, “Anu bantu balaamba ayi ndime ni?”

Luka 8:51

Jesu ndyaakashika kuŋanda yakwe Jailosi taakwe kusuminisha muntu nabi womwi ayi enjilaakwe, sombibo Pita, Joni, Jemusi alimwi abashali ba mwaana.

Maako 6:46

Ndyaakamana kubalasha, wakatanta pakalundu mukupaila kuli Lesa.

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

2 Bene Kolinto 13:1

Ono luno ndwatatu ndoondibambite kwisa kooko kuli ndimwe. Malembo akwe Lesa alaamba ayi, “Makani oonse alyeelete kwiimikaninwa abakamboni bobilo nabi botatwe.”

Luka 3:21

Bantu boonse ndibakamana kubombekwa alakwe Jesu wakabombekwa. Ono ndyaakalinga kupaila liculu lyakacaluka.

Mateyo 5:1

Ono Jesu ndyaakabona bantu baanji baanji, wakatanta pakalundu akwikala panshi. Bashikwiiya bakwe abalo bakaya peenka mpaakalinga.

Mateyo 14:23

Ndyaakamana kubalasha bantu balya, lyalo ndipakashiyashiya, wakatanta pakalundu mukupaila, wakalingakobo eenka.

Luka 5:16

Sombi lakwe wakabashiya akuya kumusena kwatakalinga kwikala bantu mukupaila.

Joni 6:3

Lyalo Jesu wakatanta pakalundu akwikala panshi abashikwiiya bakwe.

2 Pita 1:16

Nditwakamwishibisha ayi Mwaami wesu Jesu Klistu ulaakwisa munkusu, tatukwe kukonkela shakupangabo bantu shabucenjeshi, sombi nkusu shakwe twakashibona ameenso esu.