Luka 8:21 - Baibo Busansulushi Bwa Libuku Ili

²¹ Sombi Jesu wakabaambila ayi, “Bama abamakwesu mbaabo banyumfwa maswi akwe Lesa akucita mbwaamba.”

Luka 8:21 Referans Kwoze

Jemusi 1:22

Mutabi bantu balibeca kwiinda mukunookutikabo maswi ayo, sombi kamucita shaambwa muli ngawo.

Joni 13:17

Ono bulya mbomweshiba shintu ishi, mulaakuba acoolwe na mukashiciite.

3 Joni 1:11

Oosunikwi, utakonkeli micito ibiibi, sombi ibotu. Uyo woonse ucita shiluleme ngumwanaakwe Lesa. Sombi uyo ucita shibiibi, tamwishiiwo Lesa.

1 Joni 2:29

Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.

2 Bene Kolinto 6:18

Ndaakuba ishiwanu, amwebo mulaakuba bana bangu, basankwa abanakashi, Nebo neMwaami Lesa Shinkusu shoonse ndaamba.”

Luka 8:15

Sombi isho shakalokela mubulongo bubotu, mbantu banyumfwa maswi akwe Lesa, baacata cakushomeka mumyoyo yabo ibotu, aboobo balayuminina kushikila bacata shisepo.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.

Joni 20:17

Jesu wakamwaambila ayi, “Utancatilili ceebo nshina kuya kuli baTa. Sombi koya ukaambile bashikwiiya bangu ayi, ‘Ntooya kuli baTa alimwi mbobaishiwanu amwebo, nguLesa wangu amwebo nguLesa wanu.’ ”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Mateyo 28:10

Mpeeke Jesu wakabaambila ayi, “Mutaloondi! Kamuya mukalwiite bamakwesu ayi baye kuGalili uko nkweshi tuye tukakumanine.”

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Luka 8:20

Mpeeke umwi muntu wakalwiita Jesu ayi, “Banyinawanu abamakwabanu baliimfwi pansengwe, batooyanda kumubona.”