Luka 8:18 - Baibo Busansulushi Bwa Libuku Ili

¹⁸ Aboobo amucenjele ambomunyumfwa maswi akwe Lesa. Mukwiinga uyo ucite kale ulaakubikilwaawo, sombi ucite kaniini ulaakunyaikwa nabi kaako koonse nkaacite.”

Luka 8:18 Referans Kwoze

Mateyo 13:12

Mukwiinga uyo ucite kale ulaakubikilwaawo, aboobo ulaakuba ashiinji. Sombi ucite kaniini ulaakunyaikwa nabi kaako koonse nkaacite.

Luka 19:26

Sombi mwaami wakakumbula ayi, ‘Ntoomulwiita ayi uyo woonse ucite kale ulaakupekwa ashimwi. Sombi uyo ucite kaniini ulaakunyaikwa akaako koonse nkaacite.

Mateyo 25:29

Ceebo uyo woonse ucite kale ulaakupekwa ashimwi. Sombi uyo ucite kaniini ulaakunyaikwa akaako koonse nkaacite.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Bene Ebulu 2:1

Nceceeco ncetweelete kwiindilaawo kubikaako maano kushalushinisho isho nshetwakanyumfwa kwaamba ayi tutakasoweki.

1 Bene Kolinto 14:37

Na kuli umwi uyeeya ayi ulicite cipo cakwaamba maswi akwe Lesa nabi cipo cimwi ciswa kuMushimu Usalashi, ulyeelete kwishiba kwaamba ayi ncentoomulembela bulya ngumulawo uswa kuMwaami Jesu.

1 Bene Kolinto 8:2

Uyo woonse uyeeya ayi ulicite lushibo pacintu cili coonse, taakwe kuba alushibo kweelana ambwaaelete.

1 Bene Kolinto 3:18

Mutalibeeci. Na kuli muntu pakati kanu uyeeya ayi ngumusongo mubwikaalo bwa cishi ca panshi, ulyeelete kuba anga ngumuluya kwaamba ayi abe musongo wancinencine.

Bene Loma 12:3

Mukwiinga wa cipo Lesa ncaakampa kwiinda muluse lwakwe, ntoomwaambila ayi mutanoolitukumuna, sombi muliceeshe mumiyeeyo yanu akulibika mpomweelete kweelana alushomo Lesa ndwaakamupa.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Milimo ya Batumwi 10:33

Mpomunyaawo ndakatuma bantu kuli ndiwe alimwi wacita kabotu kwisa. Ono soonse bulya tuli pameenso akwe Lesa kwaamba ayi utulwiite makani oonse ayo ngaakubambila Mwaami Lesa.”

Luka 9:44

“Amunyumfwishe makani aya mukwiinga MwanaaMuntu ulaakwaabwa mumaansa a bantu.”

Bene Filipi 3:4

Teshi kwaamba ayi nebo ndabuula cintu cakusangalalilaamo. Na kuli muntu uyeeya ayi ulicite shintu sha mushobo uyo, nebo ndamwiindaawo.

Maako 13:14

“Na mukabone Cintu cilya Ciloondesha ico cibisha kaciimfwi pamusena mpociteelete kuba, (utoobelenga anyumfwishishe), lyalo abo bali kuJudeya bakacicile kutulundu.

Tushimpi 14:12

Kuli nshila bantu njebabona ayi ililuleme, sombi kumeelelesho ilatola kulufu.