Luka 8:12 - Baibo Busansulushi Bwa Libuku Ili

¹² Isho mbuto shakalokela munshila shileemikanina bantu banyumfwa maswi akwe Lesa, sombi Mubiibi ulesa waakushaamo mumyoyo yabo kwaamba ayi batashomi akupulushikwa.

Luka 8:12 Referans Kwoze

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Maako 4:15

Bantu bamwi bali anga nimbuto isho shakalokela munshila. Bamanabo kunyumfwa maswi akwe Lesa, Satana ulesa waakushaamo.

Mateyo 13:19

Na bantu banyumfwa maswi a Bweene bwakwe Lesa cakubula kwaanyumfwisha, alakwe Satana ulesa wakushamo sheesho shashangwa mumyoyo yabo. Bantu bali boobo nshembuto shakalokela munshila.

Tushimpi 4:5

Ba abusongo alimwi ube amaano akunyumfwisha shintu. Kuteelesha kuluba maswi angu nabi kwaasuula napaceyi.

Tushimpi 1:29

Mwakalinga kusuula lushibo lyoonse alimwi akukaka kuloonda Mwaami Lesa.

Luka 8:5

“Kwakalinga muntu umwi wakaya mukushanga mbuto. Ono ndyaakalinga kuminsa, shimwi mbuto shakalokela munshila umo moshakalyatoolwa alimwi abayuni bakesa bashilya.

Isaya 65:11

“Sombi mwebo nomufutatila ndime neMwaami Lesa akusuula kalundu kangu kasalalite, ee, mwebo nomulambila Gadi aMeni balesa baleta coolwe amalwesa,

Mateyo 13:4

Ono ndyaakalinga kushanga, shimwi mbuto shakalokela munshila abalo bayuni bakesa bashilya.

Luka 8:11

“Ono mbulya mbocaamba cikoshanyo. Imbuto ndiswi lyakwe Lesa.

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.