Luka 6:48 - Baibo Busansulushi Bwa Libuku Ili

⁴⁸ Uli anga ngumuntu wakakaba lwiimbi lulaamfu lwakashika palibwe, akuyakaawo ŋanda. Mulonga ndiwakesula, maanshi akatalika kuuma kuŋanda iyo. Sombi taikwe kuwa mukwiinga wakeeyaka kabotu.

Luka 6:48 Referans Kwoze

Kulumbaisha 62:2

Lakwe eenka ngomwaandami wangu alimwi ndolupulusho lwangu. Teshi nkatenkanishikweewo ceebo lakwe ndilinga lyangu.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Judi 1:24

Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.

Isaya 26:4

Amucinke manungo muMwaami Lesa lyoonse ceebo Mwaami Lesa ngumwaandami utufuna kwalyoonse alyoonse.

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

1 Joni 2:28

Ee, nobana bangu, amukalilile muli nguwe, kwaamba ayi pabushiku ndyeshi akese, tukabule kunyumfwa boowa ansooni.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Kulumbaisha 32:6

Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

2 Samwelo 22:32

Mwaami Lesa eenkabo ngoLesa. Taaku shikufuna umwi kulekabo nguwe.

Tushimpi 10:25

Cipuupu ndicisa cilatolelesha abamucita shibi, sombi baluleme balacaala mobakeemikanina.

2 Samwelo 22:47

“Mwaami Lesa ngumuumi! Aalumbaishikwe mwaandami wangu! Aasumpulwe Lesa umfuna alimwi ngomupulushi wangu!

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

2 Pita 1:10

Paceebo ceeco nobamakwesu, amwiindilishe kusebensa cankusu ayi mushinishe kwaamba ayi kwiitwa alimwi akusalwa kwanu kwakaswa kuli Lesa. Na mwacita boobo, teshi mukaweewo,

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Kulumbaisha 95:1

Amwise twiimbile Mwaami Lesa cakusangalala, Atwiimbe cakoolobesha kuMwaandami utufuna.

2 Samwelo 22:5

“Lufu lwakamfwekelesha anga ngamaaba, kunyonyooka kwakanshinguluka anga ngumukuuku.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.

2 Samwelo 23:3

Lesa wa bene Isilaeli waamba, Mwaandami wa bene Isilaeli wandwiita ayi, ‘Mwaami weendelesha bantu mubululami, uyo weendelesha cakuloonda Lesa,

2 Samwelo 22:2

“Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu.

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.

Dutolonomi 32:31

Balwani babo balishi ayi balesa babo balilefukite, tabacite nkusu mbuli Lesa wa bene Isilaeli.

Dutolonomi 32:18

Bakakaka Mwaandami, Lesa uyo wakabalenga, Bakaluba Lesa wabo uyo wakabapa buumi.

Luka 6:47

Uyo woonse wisa kuli ndime akunyumfwa maswi angu akwaacita, ntoomutondesha mbwaabete.

Luka 6:49

Sombi uyo unyumfwa maswi angu akutaacita, ulibo anga ngumuntu wakayaka ŋanda cakutakaba lwiimbi. Mulonga ndiwakesula, maanshi akatalika kuuma kuŋanda. Lyalo yakawa akunyonyooka abuumbi.”