Luka 5:29 - Baibo Busansulushi Bwa Libuku Ili

²⁹ Lefi wakabamba shakulya shiinji kwaamba ayi basekelele aJesu muŋanda yakwe. Kwakalinga beshikusonkesha abantu bamwibo bakacanikaawo akulya pantu pomwi ambabo.

Luka 5:29 Referans Kwoze

Luka 15:1

Ono basonkeshi abataalinga kukonkela Milawo yakwe Mose, bakabungana pakalinga Jesu ayi banyumfwe kwiisha kwakwe.

1 Bene Kolinto 10:27

Na wakunsengwe wakwiitila cakulya, awebo wayanda kulyaakwe, ulye cakulya cili coonse nceshi akupe cakuteepushaawo kwaamba ayi moyo utakakupenshi.

Joni 12:2

Kundabala uko Jesu bakamubambila cakulya ca macolesha, Malita nguwakalinga kubapa. Lasalo wakalinga womwi wa baabo bakalinga kulya aJesu.

Maako 2:15

Ono Jesu wakalinga kulya muŋanda yakwe Lefi. Beshikusonkesha abantu batakonkeli Milawo yakwe Mose bakalya anguwe abashikwiiya bakwe mukwiinga bantu baanji ba mushobo uyo bakamukonkela.

Mateyo 9:10

Jesu ndyaakalinga kulya muŋanda yakwe Mateyo, beshikusonkesha baanji alimwi abantu batakonkeli Milawo yakwe Mose, bakalya pantu pomwi aJesu abashikwiiya bakwe.

Mateyo 5:46

Ono na kamusunibo bantu abo bamusuni, nkokwaamba ayi ncilambunshi nceenga mwatambula? Te abalo beshikusonkesha musonko balacita ubo?

Mateyo 9:9

Jesu ndyaakaswaako uko, wakabona musankwa umwi wiitwa ayi Mateyo kaashiite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka, wamukonkela.

Mateyo 11:19

Ono MwanaaMuntu ndyaakesa kaalya akunwa, bantu bakaamba ayi, ‘Amubone ngumulyabi, ngucakolwa, ngushicibusa abeshikusonkesha alimwi abamucita shibi.’ Sombi busongo bwakwe Lesa bulaboneka ayi buliluleme kwiinda mumilimo ya mbubo.”