Luka 5:24 - Baibo Busansulushi Bwa Libuku Ili

²⁴ Sombi ntooyanda kwaamba ayi mwishibe ayi MwanaaMuntu ulicite bulemu ankusu shakulekelela shibiibi pacishi ca panshi.” Mpomunyaawo wakaambila uyuminite mubili ayi, “Ntookwaambila, nyamuka, bwesa macila ako uye kumishaanu.”

Luka 5:24 Referans Kwoze

Ciyubululo 1:13

Ono pakati ka nshisho, pakalinga kuboneka anga pali muntu, ufwete cisani cakalinga kushika kumyeendo alimwi alaamba wa golodi pacaamba.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Milimo ya Batumwi 14:10

Lyalo wakamwaambila aliswi lya peculu ayi, “Imikana omwiine!” Mpomunyaawo wakanyamuka akutalika kweendeenda.

Milimo ya Batumwi 9:40

Pita wakabakusha pansengwe boonse, wakafukama akutalika kupaila. Kumana kupaila, wakapilulukila kwakalinga mutuntu akwaamba ayi, “Tabita, nyamuka!” Lyalo Tabita wakalasha, mpeeke ndyaakabona Pita, wakabuka, wekala.

Milimo ya Batumwi 9:34

Pita wakamwaambila ayi, “Enisi, Jesu Klistu wakushilika. Nyamuka uyalule mpasa yako.” Paciindi ceenka ico Enisi wakanyamuka.

Milimo ya Batumwi 5:31

Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.

Joni 17:2

Mukwiinga mwakamupa nkusu shakweendelesha pabantu boonse kwaamba ayi ape buumi butamaani kubaabo boonse mbomwakamupa.

Joni 11:43

Jesu ndyaakamana kwaamba boobo, wakeeta aliswi lya peculu ayi, “Lasalo, swaamo umo!”

Joni 5:27

Mwaana wakamupa ankusu shakoombolosha mukwiinga ngoMwanaaMuntu.

Joni 3:13

Taaku muntu wakayaako kale kwiculu, sombibo MwanaaMuntu eenka uyo wakaswa kwiculu.

Luka 8:54

Lyalo Jesu wakacata mulindu uyo palyaansa akwaamba ayi, “Webo ndaba, buka!”

Luka 7:14

Jesu wakaya kunembo akucata kumupeso, lyalo bakalinga kuyumwite lufu bakeemikana. Mpomunyaawo wakaamba ayi, “Webo ndaba, ntookwaambila ayi buka!”

Luka 5:13

Jesu wakafungulula lyaansa lyakwe wakamucata akwaamba ayi, “Ee ndisuni, ba kabotu!” Lyalo manata akamana.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 26:64

Jesu wakamukumbula ayi, “Mwacaamba nobeene. Sombi ntoomwaambila noonse ayi, kuswa cecino ciindi mulaakubona MwanaaMuntu kaashiite kulyaansa lyalulyo lwa baIshi, Beshinkusu shoonse. Mulaakumubona keesa mumakumbi a kwiculu.”

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Mateyo 16:13

Ono Jesu ndyaakashika kucishi ca kuSisaliya Filipi, wakeepusha bashikwiiya bakwe ayi, “Ino bantu balaamba ayi nebo ne MwanaaMuntu ndime ni?”

Mateyo 9:6

Sombi ntooyanda kwaamba ayi mwishibe ayi MwanaaMuntu ulicite bulemu ankusu shakulekelela shibiibi pacishi ca panshi.” Mpomunyaawo wakaambila uyuminite mubili ayi, “Nyamuka, bwesa macila ako uye kumishaanu.”

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Mateyo 4:24

Aboobo impuwo yakushilika kwakwe yakanyumfwika mucishi coonse ca Silya. Mpeeke bantu bakatalika kutola balwashi baanji kuli nguwe abo bakalinga kuciswa cankusu, bakalinga kucite bashikaswa, beshitushita alimwi abayuminite mibili. Alakwe Jesu wakabashilika boonse.

Luka 5:18

Mpomunyaawo bantu bamwi bakaleta musankwa wakalinga kuyuminite mubili pamacila. Bakeelesha kumwinjisha muŋanda ayi bamooneke muliimfwa lyakwe Jesu.

Luka 5:23

Ncili cuubu kwaambila muntu ayi, ‘Shibiibi shako shalekelelwa,’ nabi kwaamba ayi, ‘Nyamuka, weende’?