Luka 5:12 - Baibo Busansulushi Bwa Libuku Ili

¹² Jesu ndyaakalinga kucili mundabala imwi wakakumana amuntu wakalinga kuciswa manata mubili woonse. Ingayi abone Jesu, wakafukama kunembo lyakwe akumusenga ayi, “Nkambo, na kamusuni inga mwanshilika.”

Luka 5:12 Referans Kwoze

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Luka 17:16

Mpeeke ashike kuli Jesu, wakafukama kunembo lyakwe akumulumba. Shimanata uyu wakalinga mwine Samaliya.

Mateyo 9:28

Jesu ndyaakenjila muŋanda abalo boofu bakashika kuli nguwe. Lyalo wakabeepusha ayi, “Sa mutooshoma ayi ici inga ndacicita?” Abalo bakakumbula ayi, “Ee Nkambo.”

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Mateyo 26:6

Jesu wakalinga kundabala ya Betani muŋanda yakwe Simoni wiitwa ayi shimanata.

Kulonga 4:6

Mwaami Lesa wakaambila Mose alimwi ayi, “Bika lyaansa lyako mucakufwala.” Mose wakacita kweelana ambwaakaambilwa. Ono ndyaakalikushaamo, kucana lyaansa lyaboolabo tuu, kushiloonda shamanata.

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

1 Makani 21:16

Defedi wakabona munjelo wakalinga kwiimfwi muluuwobo alimwi wakalinga kucite mupeeni mulyaansa lyakwe kaalibambite kunyonyoola Jelusalemu. Lyalo Defedi abamaloba abo boonse bakalinga kufwete masaka, bakafukama cakushisha shiwa panshi.

2 Baami 5:1

Naamani wakalinga mutanjilili wa bashilumamba bene Silya. Wakalinga kulemekwa abuumbi kumwaami wa bene Silya mukwiinga kwiinda muli nguwe, Mwaami Lesa wakalinga kulengesha bene Silya kukoma lyoonse. Wakalinga shilumamba uyoosha, nakubi boobo wakaciswa bulwashi bwa manata.

1 Baami 18:39

Bantu ndibakabona shoonse ishi, bakaliwaala panshi akwaamba ayi, “Mwaami Lesa ngoLesa! Mwaami Lesa ngoLesa!”

Joshuwa 5:14

Lakwe wakakumbula ayi, “Nshibete kulubasu lwanu nabi kulubasu lwa balwani banu, sombi nebo ndi mutanjilili wa bashilumamba ba Mwaami Lesa.” Lyalo Joshuwa wakafubama mukumulambila akumwiipusha ayi, “Nkambo, ino ngamaswinshi ngomwaletela ndime nemusebenshi wanu?”

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Bene Lefi 9:24

Paciindi ceenka ico, Mwaami Lesa wakatuma mulilo pamulambu wakutenta alimwi ashipansha sha mafuta pacipaililo ayi shipye. Bantu ndibakabona boobo, boonse bakoolobesha cakukondwa akufukama cakushisha shiwa panshi.

Maako 5:23

akumukombelela ayi, “Mwanaangu mwanakashi waciswa abuumbi. Ntoomusenga kwaamba ayi mwise mubike maansaanu pali nguwe, kwaamba ayi abe kabotu alimwi abe abuumi.”

2 Baami 7:3

Kwakalinga bantu bone bakalinga kuciswa bulwashi bwa manata abo bakalinga kunsengwe lya mwinjililo wa ndabala ya Samaliya. Basankwa abo bakatalika kubandika ayi, “Sa tunanoolindilabo kushikila tufwe?

2 Baami 5:27

Ono bulya bulwashi bwakwe Naamani bwa manata butoosa pali ndiwe abamulunyungu bako boonse kwamuyayaya!” Mpomunyaawo Geyasi ndyaakaswaawo wakaba amanata. Cikanda cakwe cakaboolaabo tututu anga ncaandwa.

Bene Lefi 13:16

Sombi na cilonda ico coosha akuboneka kutuba, muntu uyo ulyeelete kuya kumupailishi

Luka 5:13

Jesu wakafungulula lyaansa lyakwe wakamucata akwaamba ayi, “Ee ndisuni, ba kabotu!” Lyalo manata akamana.