Luka 24:44 - Baibo Busansulushi Bwa Libuku Ili

⁴⁴ Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Luka 24:44 Referans Kwoze

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Milimo ya Batumwi 13:33

wacitila ndiswe sobamulunyungu lwabo kwiinda mukubusha Jesu kuswa kubafu. Kweelana ambokulembetwe muKulumbaisha kwabili ayi, ‘Webo uli mwanaangu, sunu ndaba baiso.’

Luka 9:22

Wakabaambila alimwi ayi, “MwanaaMuntu ulyeelete kupenshekwa abuumbi, akukakwa abamaloba, bamatanjilili ba bapailishi abafundishi ba Milawo. Balaakumucaya, sombi pabushiku bwatatu ulaakubushikwa kuswa kubafu.”

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.

Bene Ebulu 10:1

Milawo ya baJuda teshi nsheshoolwe shancinencine, sombi ileemikaninabo shoolwe isho shitoosa. Milambu ya mushobo womwi ilabengwa mwaaka amwaaka. Sombi Milawo taikoonshi kusalasha bantu besa kuli Lesa kwiinda mumilambu iyo.

Joni 5:46

Na mwakalinga mwashoma Mose cancinencine, anebo naakwiinga mwanshooma mukwiinga Mose wakalemba shapali ndime.

Sekaliya 6:12

Kuswawaawo umulwiite ayi Mwaami Lesa Shinkusu shoonse waamba ayi, ‘Muntu uyo utokwiitwa ayi Musampi ulaakukomena kabotu pamusena apo mpwaabete akuyakulula Ŋanda ya Mwaami Lesa.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Kulumbaisha 118:22

Libwe bayaki ndibakakaka, lyakaba ndyelibwe liyandika lya mulikonko lya ŋanda.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Isaya 52:13

Mwaami Lesa waamba ayi, “Amubone, musebenshi wangu ulaakuswitilila mumulimo wakwe. Ulaakusumpulwa, kubikwa peculu alimwi akulumbaishikwa.

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Bene Ebulu 9:8

Munshila iyi, Mushimu Usalashi uleeisha patuba ayi taaku nshila yakwiinjililamo muMusena Usalalite Wiindaawo kulilabo Tente itaanshi kaicisebensa.

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Sekaliya 14:4

Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Danyelo 7:13

“Muciindi ca cili anga nciloto ico mashiku, ndakabona wakalinga kuboneka anga ngumwanaamuntu keesa mumakumbi a kwiculu. Ndyaakashika pafwaafwi, wakatondeshekwa kuli Lesa walyoonse alyoonse.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Esekelo 17:22

Mwaami Lesa Shinkusu shoonse waamba ayi, “Nebo nemwiine ndaakutimbula musampi wakwiculu kwiine kwa cisamu ca sida. Lyalo ndaakutyolaako musampi ubombu akuya mukuushanga pakalundu kalaamfu peculu peene.

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.

Shakubelenga 35:25

Nkokwaamba ayi likoto lya bene Isilaeli lilyeelete kufuna wooyo wakacaya mubye mumapuso kumukwabo wooyo usuni kumucaya. Balyeelete akumuboosha kundabala inene yakulobokelaamo uko nkwaakalinga. Ulyeelete kwikala nkomunya uko kushikila Mupailishi Munene uliiwo akafwe.

Shakubelenga 21:8

Mpomunyaawo Mwaami Lesa wakalwiita Mose ayi apange nsoka ya bulonse akuyaanjika pacisamu kwaamba ayi woonse weenga walumwa inga walanga kuli njiyo akuba kabotu.

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Joni 3:14

“Ono bweenka mbuli Mose mbwaakaanjika nsoka ya bulonse muluyanga, mbweeke ubo MwanaaMuntu alakwe mbweshi akaanjikwe

Luka 24:46

Wakabaambila ayi, “Mbulya mbocilembetwe muMalembo ayi Usalitwe wakwe Lesa ulyeelete kupenshekwa akubuka kuswa kubafu pabushiku bwatatu.

Jelemiya 33:14

Mwaami Lesa waamba ayi, “Ciindi cilaakushika ndyeshi nkacite kweelana ambondakashomesha bene Isilaeli abene Juda.

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Matalikilo 14:18

Lyalo Melikisedeki mwaami wa Salemu wakaleta shinkwa awaini. Melikisedeki wakalinga mupailishi munene wakwe Lesa wakwiculu Wiindaawo.

Bene Ebulu 7:1

Uyu Melikisedeki wakalinga mwaami wa kuSalemu alimwi wakalinga mupailishi wakwe Lesa wa kwiculu Wiindaawo. Ono Abulaamu ndyaakalinga kuswa kunkondo uko nkwaakakoma bamaami bone, Melikisedeki wakamukumanya akumupa coolwe.

Bene Ebulu 3:5

Mose wakalinga kushomeka kuli Lesa ceebo wakalinga musebenshi shikutanjilila bantu bakwe Lesa alimwi wakalinga kwaamba shintu isho Lesa nshaakalinga kubambite kwaamba kunembo.

Milimo ya Batumwi 7:37

Mose uyu ngowooyo wakaambila bene Isilaeli ayi, ‘Lesa ulaakumutumina mulaluki mbuli ndime, eshi akaswe mulunyungu lwanu.’

Luka 22:37

Cililembetwe ayi, ‘Alakwe bakamubelengela pantu pomwi abamucita shibi.’ Ntoomulwiita ayi Malembo aya alyeelete kucitika cancinencine muli ndime. Ceebo shoonse shilembetwe pali ndime shili pafwaafwi kucitika.”

Luka 21:22

Mukwiinga ici cilaakuba ciindi Lesa ndyeshi akaboneshe bantu bakwe ayi bakabisha kwaamba ayi shoonse shilembetwe muMalembo akwe Lesa shicitike cancinencine.

Luka 9:44

“Amunyumfwishe makani aya mukwiinga MwanaaMuntu ulaakwaabwa mumaansa a bantu.”

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Mateyo 26:54

Sombi na ndacita boobo, ino inga shacitika buyani shilembetwe muMalembo akwe Lesa ayi ishi shilyeelete kucitika?”

Mateyo 16:21

Kuswa ceeco ciindi Jesu wakatalika kusansulwita bashikwiiya bakwe ayi, “Ndyeelete kuya kuJelusalemu nkweshi nkaye mukupenshekwa abuumbi abamaloba, bamatanjilili ba bapailishi abafundishi ba Milawo. Ndaakucaikwa, sombi pabushiku bwatatu, ndaakubushikwa.”

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

1 Pita 1:11

Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.

Milimo ya Batumwi 3:18

Sombi Lesa wakaambilabo limwi kwiinda mubalaluki bakulukulu boonse, ayi Usalitwe wakwe wakalinga kweelete kupenshekwa, aboobo shakacitika bweenka ubo.

Maako 9:31

mukwiinga wakalinga kwiisha bashikwiiya bakwe. Wakalinga kubalwiita ayi, “MwanaaMuntu ulaakwaabwa mumaansa a bantu abo beshi bakamucaaye. Nakubi boobo pabushiku bwatatu ulaakubuka alimwi kuswa kubafu.”

Mateyo 1:22

Shoonse ishi shakacitika, ayi maswi akaamba Mwaami kwiinda mumulaluki mukulukulu abe alushinisho, akwaamba ayi,

Milimo ya Batumwi 2:27

Mukwiinga teshi mukandekeleshe ayi nkanoolibo mumusena wa bafu, nabi kundekelesha neMusebenshi wanu Usalalite ayi mbole.

Milimo ya Batumwi 13:40

Anu amucenjele kwaamba ayi isho nshebakaamba balaluki bakulukulu shitacitiki kuli ndimwe, shakwaamba ayi,