Luka 23:5 - Baibo Busansulushi Bwa Libuku Ili

⁵ Sombi balo bakayuminina kumubekesha kabaamba ayi, “Ulayungoola akufulunganya bantu mukwiisha kwakwe mucishi coonse ca Judeya. Wakatalikila kuGalili ono ngooyu washika akokuno.”

Luka 23:5 Referans Kwoze

Joni 2:11

Ici, ncaankamiko citaanshi Jesu ncaakacita mucishi ca Galili, wakatondesha nkusu sha bulemu bwakwe, aboobo bashikwiiya bakwe bakamushoma.

Joni 1:43

Bushiku bwakaboolaawo Jesu wakayeeya kuya kucishi ca Galili. Mpeeke wakacana Filipo akumwaambila ayi, “Nkonkele!”

Maako 1:14

Joni ndibakamubika muntolongo, Jesu wakaya kuGalili kaashimikila Makani Abotu akwe Lesa.

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Milimo ya Batumwi 23:10

Makoto a bantu obilo ayo akaambana cankusu cakwaamba ayi Mutanjilili munene wa bashilumamba wakaloonda ayi batoocaya Paulo. Lyalo wakaambila bashilumamba bakwe ayi baye bamukushe mubantu akumutola mulilinga lyabo.

Milimo ya Batumwi 10:37

Alimwi mulishi shakacitika mucishi coonse ca Judeya, kutalikila kuGalili kuswa paciindi ico Joni ndyaakalinga kushimikila shakubombekwa.

Milimo ya Batumwi 7:57

Mpomunyaawo beendeleshi ba nkuta bakoolobesha akushinka mumatwi. Paciindi ceenka ico, boonse bakamufukukila.

Milimo ya Batumwi 7:54

Ono beendeleshi ba nkuta ndibakanyumfwa maswi akaamba Sitifini, bakakalala abuumbi, kababimbabo.

Milimo ya Batumwi 5:33

Boomboloshi ndibakanyumfwa makani aya, bakakalala abuumbi cakwaamba ayi bakalinga kusuni kucaya batumwi.

Joni 19:15

Balo bakoolobesha ayi, “Aacaikwe, aacaikwe, aapopwe pamucilingano!” Pilato wakabeepusha ayi, “Sa mulisuni ayi mpope mwaami wanu pamucilingano?” Bamatanjilili ba bapailishi bakakumbula ayi, “Taaku aumwi mwaami ngotucite, eenkabo muleli munene wa kuLoma.”

Joni 7:52

Balo bakamukumbula ayi, “Sa awebo uli wa kuGalili? Calula muMalembo akwe Lesa, utoocana kwaamba ayi taaku mulaluki uswa kuGalili.” [

Joni 7:41

Bamwi bakaamba ayi, “Uyu muntu ngoUsalitwe wakwe Lesa,” sombi bamwi bakalinga kwiipusha ayi, “Sa Usalitwe wakwe Lesa ulaakuswa kuGalili?

Luka 23:23

Sombi boonse bakayuminina koolobesha ayi, “Ulyeelete kupopwa pamucilingano.” Mpeeke Pilato wakakomwa kumaswi abo.

Luka 11:53

Jesu ndyaakaswa muŋanda umo, bafundishi ba Milawo alimwi abaFalisi bakatalika kumutongooka akumwiipusha miipusho iinji ipusenepusene.

Mateyo 27:24

Ono Pilato ndyaakabona ayi taaku nceshi cicitike, alimwi ayi inga paakuba shimfulunganya, wakabwesa maanshi akusamba kumaansa pameenso a bantu boonse akwaamba ayi, “Nebo nshicite mulandu palufu lwa muntu uyu! Ngumulandu wanu nobeene!”

Kulumbaisha 69:4

Abo bampatitebo kutaaku ncendakacita mbaanji kwiinda misusu yangu. Balwani bangu mbeshinkusu batooyanda kuncaya, balaamba shakubeca pali ndime mukundwana. Bakankakatisha kuboosha shintu nshentakwe kwiipa.

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 22:16

Likoto lya bantu babiibi lilinshingulukite, bambika pakati anga ndikoto lya baumpe. Bayasa maansaangu ashimpanta shangu.

Mateyo 2:1

Jesu wakashalilwa mundabala ya Betileemu mucishi ca Judeya, munshiku isho Elodi ndyaakalinga mwaami wa mucishi ico. Ndyaakashalwabo, bantu basongo bakaswa kwicwe bakashika muJelusalemu akwiipusha ayi,

Mateyo 11:1

Jesu ndyaakamana kwiisha bashikwiiya bakwe bali likumi abobilo, wakaswaako uko akuya bwiisha akushimikila mumandabala.

Luka 23:6

Pilato ndyaakanyumfwa boobo wakeepusha ayi, “Sa uyu muntu ngumwine Galili?”