Luka 22:66 - Baibo Busansulushi Bwa Libuku Ili

⁶⁶ Ndibwakaca, bamaloba ba baJuda, bamatanjilili ba bapailishi, abafundishi ba Milawo bakabungana. Mpeeke Jesu wakatolwa kuli mbabo.

Luka 22:66 Referans Kwoze

Maako 15:1

Ndibwakaca macuunsacuunsa, bamatanjilili ba bapailishi, bamaloba, bafundishi ba Milawo alimwi abamwi boonse beendelesha nkuta, bakalifuyafuya pantu pomwi. Mpeeke Jesu bakamwaanga akumutola mumaansa akwe Pilato.

Mateyo 27:1

Ndibwakaca macuunsacuunsa, bamatanjilili ba bapailishi abamaloba ba baJuda bakapangana ayi bacaye Jesu.

Milimo ya Batumwi 22:5

Mupailishi munene alimwi abeshinkuta boonse inga basumina ayi ntokwaamba cancinencine. Balo bakalinga kumpa makalata akutola kubaJudanyineesu muDamasikasi. Aboobo ndakalinga kuya mukucata bantu aba akubaboosha muJelusalemu kabaangitwe kwaamba ayi bese bapekwe mulandu.

Mateyo 5:22

Sombi nebo ntoomulwiita ayi uyo woonse ucitile mfundilishi mubye, ulyeelete koomboloshekwa. Awooyo waambila mubye ayi, ‘Taaku mboobete!’ ulyeelete koomboloshekwa munkuta inene. Sombi uyo waamba ayi, ‘Webo omuluya!’ ulyeelete wawaalwa mumulilo utamaani.

Joni 18:28

Kuswa kuli Kayafasi, Jesu bakamutola kuŋanda yakwe Pilato, mweendeleshi wakaswa kuLoma. Lyakalinga macuunsa, aboobo bamaloba ba baJuda tabakwe kwinjila muŋanda yakwe ceebo bakalinga kuloonda kuba bantu batasalalite kweelana aMilawo. Bakacita boobo mukwiinga bakalinga kusuni kulya cakulya ca bushiku bwa Pasika bwakwiibaluka kusotokela.