Luka 22:61 - Baibo Busansulushi Bwa Libuku Ili

⁶¹ Mpomunyaawo Mwaami Jesu wakapiluluka akulangilisha Pita. Lyalo alakwe wakeebaluka maswi a Mwaami mbuli mbwaakamwaambila ayi, “Kombwe kaatana kulila sunu, webo Pita utoonkaka mankanda otatwe.”

Luka 22:61 Referans Kwoze

Luka 22:34

Jesu wakakumbula ayi, “Ntookulwiita Pita ayi sunu lyeenka kombwe kaatana kulila, utokwaamba mankanda otatwe ayi toonshi.”

Esekelo 16:63

Mpeeke ndaakukulekelela shibiibi, sombi ulaakushiibaluka akunyumfwa nsoni cakwaamba ayi teshi ukacalulewo tubili mulomo wako. Nebo neMwaami Lesa Shinkusu shoonse ndaamba.”

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

Ciyubululo 2:5

Ono ibaluka mbuli mbowakalinga kootana kuwa! Ulyeelete kusanduka kuswa kushibiibi shako akutalika kwikala buumi mbowakalinga kucite pakutaanguna. Ono na ubule kusanduka kuswa kushibiibi shako, ndaakwisa kuli ndiwe mukukusha cakubikawo lilampi cako pamusena wa ncico.

Bene Efeso 2:11

Mwebo nobaswamashi bakunsengwe, amuyeeye mbuli mbomwakalinga kale kale. Bakalinga kumwiita ayi batapalwitwe, balo kabaliita ayi bapalwitwe, (ceebo ca kwishibila kwabo uko nkobacita pamibili yabo.)

Milimo ya Batumwi 5:31

Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.

Joni 13:38

Jesu wakakumbula ayi, “Sa ncakwiila ulilibambite kwaaba buumi bwako ceebo ca ndime? Ntokwaambila calushinisho ayi kombwe kaatana kulila utokwaamba mankanda otatwe ayi toonshi.

Luka 10:41

Mwaami Jesu wakamukumbula ayi, “Malita, Malita walisukama akupenshekwa ashintu shiinji!

Luka 7:13

Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Maako 5:30

Ciindi ceenka ico Jesu wakanyumfwa ayi nkusu shakushilika shaswa muli nguwe. Mpeeke wakapiluluka akwiipusha bantu ayi, “Ngani wancata kucisani?”

Mateyo 26:75

Mpeeke wakeebaluka maswi akamulwiita Jesu ayi, “Kombwe kaatana kulila, webo Pita ulaakunkaka mankanda otatwe.” Lyalo wakaswita pansengwe, waya walila abuumbi.

Mateyo 26:34

Mpomunyaawo Jesu wakaambila Pita ayi, “Ntookulwiita calushinisho ayi sunu lyeenka mashiku, kombwe kaatana kulila, utokwaamba mankanda otatwe ayi toonshi.”

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Luka 7:19

akubatuma kuMwaami Jesu mukwiipusha ayi, “Sa ndimwe baabo mbwaakaamba Joni ayi balaakwisa nabi tunoocilangila umwi?”

Luka 22:60

Sombi Pita wakakumbula ayi, “Sobwe, ayo makani ngootokwaamba nsheeshi nebo napaceyi!” Lyalo Pita kaacaamba kombwe wakalila.

Luka 22:62

Lyalo wakaswita pansengwe, waya walila abuumbi.