Luka 22:52 - Baibo Busansulushi Bwa Libuku Ili

⁵² Mpomunyaawo Jesu wakaambila bamatanjilili ba bapailishi, beshikulama kuŊanda yakwe Lesa abamaloba ba baJuda abo bakesa mukumucata ayi, “Ino mweshitanshi amipeeni ankooli anga ndi mwiipi?

Luka 22:52 Referans Kwoze

Luka 22:4

Aboobo Judasi wakaya mukulwiita bamatanjilili ba bapailishi abeshikulindilila Ŋanda yakwe Lesa mbuli mbweenga waaba Jesu kuli mbabo.

Milimo ya Batumwi 5:26

Mpeeke uyo munene wa beshikulindilila wakanyamuka abeshikumucafwa, baya kuŊanda yakwe Lesa mukuleta batumwi. Sombi tabakwe kukakatisha batumwi mukwiinga bakalinga kuloonda bantu ayi inga babooma mabwe.

Joni 17:12

Ndindakalingaabo, ndakabalama muliina lyanu ilyo ndimwakampa. Ndakabafuna kabotu alimwi taaku nabi womwi pakati kabo wakasoweka, sombibo wooyo wakalinga kweelete kunyonyooka, kwaamba ayi shilembetwe muMalembo anu shicitike cancinencine.

Mateyo 26:55

Lyalo Jesu wakabaambila bantu baanji balya ayi, “Ino mweshitanshi amipeeni alimwi ankooli pakwisa mukuncata anga ndimwiipi? Nebo ndakalinga anu inshiku shiinji, kaamwiisha muŊanda yakwe Lesa, sombi tamukwe kuncataawo, sobwe.

2 Baami 11:15

Jeoiyada mupailishi taakalinga kusuni kwaamba ayi Ataliya acailwe muŊanda yakwe Lesa. Aboobo wakaambila bamatanjilili ba beshikulindila ayi, “Amumutole pansengwe pakati ka mindando ya beshikulindilila. Ono mucaye muntu uli woonse weshi amukonkele.”

Mateyo 26:47

Jesu ndyaakalinga kucaamba, alakwe Judasi womwi wa bashikwiiya bakwe Jesu bali likumi abobilo wakashika. Wakesa abantu baanji baanji bakalinga kucite mipeeni ankooli. Bantu aba bakabatuma mbamatanjilili ba bapailishi alimwi abamaloba ba baJuda.

Luka 22:37

Cililembetwe ayi, ‘Alakwe bakamubelengela pantu pomwi abamucita shibi.’ Ntoomulwiita ayi Malembo aya alyeelete kucitika cancinencine muli ndime. Ceebo shoonse shilembetwe pali ndime shili pafwaafwi kucitika.”

Luka 22:51

Sombi Jesu wakaamba ayi, “Amucileeke kulwana!” Mpomunyaawo Jesu wakacata kutwi wa muntu uyo akumushilika.

Luka 22:53

Ndaalinga amwebo muŊanda yakwe Lesa lyoonse, sombi tamukwe kuncata. Anu ici nceciindi ncemwasuminishikwa kwaamba ayi mwaami wa munshinshe atondeshe nkusu shakwe.”