Luka 22:29 - Baibo Busansulushi Bwa Libuku Ili

²⁹ Ono bweenka mbuli baTa mbobakampa nkusu shakweendelesha, anebo mbweshi nkamupe amwebo.

Luka 22:29 Referans Kwoze

2 Timoti 2:12

Na tutolelele kushoma, tulaakweendelesha anguwe. Na twamukaka, alakwe ulaakutukaka.

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 24:47

Ntoomulwiita calushinisho ayi, mwaami wakwe ulaakumupa mulimo wakulama shintu shoonse nshaacite.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Luka 19:17

Mpomunyaawo wakamwaambila ayi, ‘Wakacita kabotu omusebenshi mubotu! Ono mukwiinga washomeka mushintu shiniini utooba mweendeleshi wa mandabala anene ali likumi.’

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

1 Bene Kolinto 9:25

Ono umwi aumwi usuni kuba mushisekano ulalitibuka mushintu shoonse kwaamba ayi akatambule mushini uyo utekaali aciindi cilaamfu. Sombi swebo tulacita boobo kwaamba ayi tukatambule mushini utamaani.

2 Bene Kolinto 1:7

Aboobo lushomo ndotucite pali ndimwe talutenkaanishikwi ceebo tulishi kwaamba ayi bweenka mbomupenga, mbotupenga aswebo, alimwi mulanooyuminishikwa bweenka mbuli ndiswe.

Ciyubululo 21:14

Lubumbu lwa ndabala iyi lwakalinga kuyakitwe palwiimbi lwa mabwe ali likumi aobilo apo pakalinga kulembetwe meena a batumwi ba Mwanaambelele bali likumi abobilo.

Mateyo 5:3

“Balicite coolwe abo bakandu mumushimu mukwiinga Bweene bwa kwiculu mbwabo.

Mateyo 5:10

“Balicite coolwe abo bapenshekwa ceebo balacita kuyanda kwakwe Lesa, mukwiinga Bweene bwa kwiculu mbwabo.

Mateyo 25:21

Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’