Luka 22:2 - Baibo Busansulushi Bwa Libuku Ili

² Bamatanjilili ba bapailishi abafundishi ba Milawo bakalinga kuyandoola nshila yakucailaamo Jesu cabushishi ceebo bakalinga kuloonda bantu.

Luka 22:2 Referans Kwoze

Joni 11:57

Sombi bamatanjilili ba bapailishi abaFalisi bakalinga bashibisha bantu ayi, uli woonse ushi kubete Jesu ulyeelete kubalwiita ayi bamucate.

Luka 20:19

Bafundishi ba Milawo abamatanjilili ba bapailishi bakalinga kusuni kucata Jesu paciindi ceenka ico mukwiinga bakeshiba ayi Jesu wakalinga kwaamba mbabo mucikoshanyo ca balimi. Sombi bakaloonda bantu bakalingaawo.

Mateyo 12:14

Sombi baFalisi bakaswaawo, baya balifuyafuya ayi bacane nshila yakucailamo Jesu.

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

Mateyo 21:38

Sombi balimi balya ndibakabona mwaana uyo, bakatalika kulwiitana ayi, ‘Uyu ngweshi akapyane buboni boonse. Atumucaye, kwaamba ayi buboni boonse bukabe bwesu.’

Mateyo 26:2

“Mulishi kwaamba ayi kwacaalabo nshiku shobilo ayi bushike bushiku bwa Pasika bwakwiibaluka kusotokela. Lyalo MwanaaMuntu ulaakwaabwa ayi apopwe pamucilingano.”

Maako 14:1

Kwakacaalabo nshiku shobilo kwaamba ayi bushikile bushiku bwa Pasika bwakwiibaluka kusotokela alimwi abushiku bwakusekelela kwakulya Cimaande. Bamatanjilili ba bapailishi alimwi abafundishi ba Milawo bakalinga kuyandoola nshila yakucatilamo Jesu cabushishi kwaamba ayi bamucaaye.