Luka 21:6 - Baibo Busansulushi Bwa Libuku Ili

⁶ “Ishi shoonse nshemubwene, cilaakushika ciindi ndyeshi kukabule libwe nabi lyomwi palibwenyina. Mabwe oonse alaakumwayululwa.”

Luka 21:6 Referans Kwoze

Maako 13:2

Mpomunyaawo Jesu wakamukumbula ayi, “Te waabona maanda anene anene oonse aya? Taaku libwe nabi lyomwi lyeshi likacaale palibwenyina, oonse alaakumwayululwa.”

Mateyo 24:2

Sombi Jesu wakabakumbula ayi, “Te mwashibona shoonse ishi? Ntoomulwiita calushinisho ayi taaku libwe nabi lyomwi lyeshi likacaale palibwenyina, oonse alaakumwayululwa.”

Malilo 5:18

ceebo Kalundu ka Siyoni kacaalabo mumatongo, ncakwiila bamwaaba batokwiindaanabo mumatongo a nkako.

Sekaliya 14:2

Lyalo Mwaami Lesa ulaakubunganya bantu ba mishobo yoonse kwaamba ayi bese balwane ndabala ya Jelusalemu. Bantu abo balaakukoma ndabala iyo akusaala maanda oonse. Banakashi balaakukumanishikwa cakukakatishikwa. Musa wa bantu ba mundabala iyo balaakutolwa busha, sombi bamwi balaakucaala mweenka umo.

Sekaliya 11:1

Calula minjililo yako webo Lebanoni, kwaamba ayi mulilo utente shisamu shako sha sida.

Malilo 4:1

Ino golodi wabica buyani? Golodi wiine wiine wacileka buyani kubekabeka? Mabwe amakwebo a Ŋanda yakwe Lesa apalanganina mumikwakwa ya ndabala yoonse.

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Jelemiya 26:9

Ceebonshi utoolalukila muliina lya Mwaami Lesa ayi Ŋanda yakwe Lesa ino ilaakubabo bweenka mbuli musena wa Shilo andabala ino kunyonyoolwa akuba matongo?” Mpeeke bantu boonse bakanshinguluka muŊanda ya Mwaami Lesa.

Jelemiya 26:6

Ono na mutolelele kutanyumfwila, ndaakucita Ŋanda yangu ino bweenka mbondakacita musena wa Shilo. Lyalo liina lya ndabala ino lilaakunoosebenseshekwa mukushingana pakati ka mishobo yoonse ya mucishi ca panshi.’ ”

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Luka 21:7

Lyalo bashikwiiya bakeepusha ayi, “Bafundishi, ino ishi shilaakucitika lili alimwi tulaakwishibila kunshi ayi shintu shoonse ishi shitooyanda kucitika?”