Luka 21:37 - Baibo Busansulushi Bwa Libuku Ili

³⁷ Munshiku isho, Jesu wakalinga kwiisha muŊanda yakwe Lesa, sombi macolesha lyoonse wakalinga kuya kuKalundu ka Olifi akwikala kweenka kulya kushikila bwaca.

Luka 21:37 Referans Kwoze

Luka 22:39

Jesu wakaswaamo mundabala inene akuya kuKalundu ka Olifi bweenka mbwaakalinga kushibite, abalo bashikwiiya bakwe bakamukonkela.

Maako 11:19

Ndipakashiyashiya, Jesu abashikwiiya bakwe bakaswa mundabala inene ya Jelusalemu.

Mateyo 26:55

Lyalo Jesu wakabaambila bantu baanji balya ayi, “Ino mweshitanshi amipeeni alimwi ankooli pakwisa mukuncata anga ndimwiipi? Nebo ndakalinga anu inshiku shiinji, kaamwiisha muŊanda yakwe Lesa, sombi tamukwe kuncataawo, sobwe.

Mateyo 21:17

Kuswawaawo Jesu wakabashiya akuswa mundabala iyo, waya kuBetani uko nkwaakaya mukoona.

Mateyo 21:1

Ndibakashika pafwaafwi akuJelusalemu, bakashika kuBetefagi kuKalundu ka Olifi. Mpeeke Jesu wakatuma bashikwiiya bakwe bamwi bobilo

Milimo ya Batumwi 1:12

Lyalo batumwi bakaboolela kuJelusalemu kuswa kuKalundu ka Olifi, apo pakalingabo mushinso ufwaafwi.

Joni 12:1

Ndikwakacaala nshiku shosanwe abomwi kwaamba ayi bushiku bwa Pasika bwakwiibaluka kusotokela bushike, Jesu wakashika kuBetani kwakalinga kwikala Lasalo uyo ngwaakabusha kuswa kubafu.

Luka 19:37

Ndyaakashika pafwaafwi akuJelusalemu kunkunamo ya Kalundu ka Olifi, likoto lyoonse lya bantu bakalinga kukonkela kwiisha kwakwe Jesu, lyakasangalala akutalika kulumbaisha Lesa amaswi a peculu ceebo ca milimo ya nkusu sha kwiculu njebakabona.

Maako 11:12

Bushiku bwakaboolaawo ndibakalinga kuswa kuBetani, Jesu wakanyumfwa nsala.

Mateyo 26:30

Ndibakamana kwiimba lwiimbo lwakulumbaisha Lesa, bakaya kuKalundu ka Olifi.

Sekaliya 14:4

Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Maako 14:49

Nebo ndakalinga anu inshiku shiinji, kaamwiisha muŋanda yakwe Lesa, sombi tamukwe kuncataawo, sobwe. Sombi shoonse ishi shacitika kweelana ambokulembetwe muMalembo akwe Lesa.”

Luka 19:29

Ndyaakashika kufwaafwi amandabala a Betifagi aBetani mweela Kalundu ka Olifi, wakatuma bashikwiiya bakwe bamwi bobilo

Luka 19:47

Lyalo Jesu wakalinga kwiisha lyoonse muŊanda yakwe Lesa. Mpeeke bamatanjilili ba bapailishi, bafundishi ba Milawo abeendeleshi ba cishi bakatalika kuyandoola nshila yakumucailaamo.

Joni 18:2

Judasi alakwe, uyo wakaaba Jesu kubalwani wakalinga kwishiiko kumusena uyo ceebo liinji liinji Jesu abashikwiiya bakwe bakalinga kuyaako.