Luka 20:20 - Baibo Busansulushi Bwa Libuku Ili

²⁰ Aboobo bakalinga kulindila ciindi ceelete kucata Jesu. Bakapa maali bantu bamwi ayi babece kushomeka akubatuma mukusunka Jesu mumiipusho kwaamba ayi aabwe mumaansa a nkuta ya mweendeleshi wa kuLoma.

Luka 20:20 Referans Kwoze

Luka 11:54

Bakalinga kusuni kumucanina cilubo mumyaambo yakwe.

Mateyo 27:2

Mpeeke Jesu bakamwaanga akumutola mumaansa akwe Pilato, mweendeleshi wa kuLoma.

Jelemiya 11:19

Ndakalingabo anga ngumwanaambelele mubombu utootolwa mukucaikwa. Nshindakalinga kwishiiwo ayi batoopinga kuncaya. Bakalinga kwaamba ayi, “Atunyonyoole cisamu ashisepo sha ncico. Atumukushe mucishi ca bantu boomi kwaamba ayi liina lyakwe litakayeeyekwiwo tubili.”

Kulumbaisha 81:15

Uyo woonse umpatite inga wafukama caboowa pameenso angu. Mulandu wabo inga watolelela kwalyoonse alyoonse.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

Luka 20:26

Aboobo bakaalilwa kucana cilubo musheesho nshakaamba pameenso a bantu. Mpeeke bakakankamana ndibakanyumfwa kukumbula kwakwe, lyalo bakoomunabo tontolo.

Maako 3:2

Bamwi bantu bakalingaawo, bakalinga kusuni kucana cilubo muli Jesu. Bakalinga kumulangilisha ayi baboneshe na inga wamushilika pabushiku bwakookesha bwa Cibelu.

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 18:18

Mpomunyaawo balo bakaamba ayi, “Kamwisa, tulifuuyefuye akubona mbweenga twacita Jelemiya. Bapailishi beshi banootwiisha milawo, basongo beshi bakanootupandako maano alimwi abalaluki beshi bakanootulwiitako maswi a Mwaami Lesa nkobali. Aboobo amwise, tumubekeshe milandu akutakutika sheesho nsheshi anokwaamba.”

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Kulumbaisha 38:12

Bantu abo bayandoola buumi bwangu balanteya toose. Abo bakonsha kuncisa balapangana shakunyonyoola. Ncakwiila lilaya mukwipila mbeshi kuyeeyabo shabubeshi.

2 Samwelo 14:2

Mpeeke Joabu wakatuma muntu kuTekowa ayi eete mwanakashi umwi uyo wakalinga kucenjete abuumbi. Mwanakashi uyo ndyaakesa wakamwaambila ayi, “Bela kuba anga ulicite cililo alimwi ufwale acakufwala ca cililo. Utanani mafuta alimwi uliboneshe anga calaampa ciindi koolila.

Danyelo 6:4

Mpomunyaawo bacinenenene bamwi pantu pomwi abeendeleshi abo bakatalika kuyandoola mpweenga bapeta Danyelo mulandu munshila iyo njaakalinga kweendelesheshamo bwaami. Sombi bakaalilwa mukwiinga Danyelo wakalinga kushomeka alimwi taakwe kucitawo cilubite nabi cakutashomeka.

Luka 20:21

Bantu abo bakeepusha Jesu ayi, “Bafundishi, tulishi kwaamba ayi mulaamba akwiisha shiluleme. Tulishi kwaamba ayi mwebo tamusalululi, sombi muleeisha nshila yakwe Lesa calushinisho.