Luka 2:14 - Baibo Busansulushi Bwa Libuku Ili

¹⁴ “Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Luka 2:14 Referans Kwoze

Bene Loma 5:1

Ono mukwiinga Lesa watululamika ceebo ca lushomo lwesu, pali luumuno pakati kakwe Lesa aswebo kwiinda muMwaami wesu Jesu Klistu.

Luka 19:38

Bakaamba ayi, “Lesa aape coolwe kuMwaami uyo utoosa muliina lyakwe! Akube luumuno kwiculu abulemu kuli Lesa!”

Bene Kolose 1:20

Kwiinda muMwanaakwe uyo, Lesa wakaboosha cibusa cakalinga pali nguwe alimwi ashintu shoonse, sha pacishi ca panshi alimwi akwiculu. Wakaleta luumuno kwiinda mulufu lwa Mwanaakwe pamucilingano.

Luka 1:79

Ulaakumunikila baabo bashiite mumunshinshe amucimfule ca lufu, akututanjilila munshila ya luumuno.”

Ciyubululo 5:13

Lyalo ndakanyumfwa shilengwa shoonse sha mwiculu, mucishi ca panshi, panshi lya cishi alimwi amulweenge, shoonse shiliimo shakalinga kwiimba ayi, “Uyo ushiite pacuuna ca bwaami alimwi aMwanaambelele, balumbaishikwe akupekwa bulemu ankusu kwamuyayaya!”

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

Joni 17:4

Ndamuletela bulemu pacishi pano kwiinda mukumanisha mulimo ngomwakantuma.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

Bene Filipi 2:11

Alimwi boonse balaakusumina patuba ayi Jesu Klistu nguMwaami, mukupa bulemu kuli Lesa Ishiwesu.

Luka 3:22

Lyalo Mushimu Usalashi wakaseluka pali nguwe mbuli mpolobe aliswi lyakanyumfwika kuswa kwiculu ayi, “Ndiwe Mwanaangu ngoonsuni abuumbi. Pali ndiwe ndikondetwe abuumbi.”

Mateyo 21:9

Mpeeke bantu abo bakalinga panembo lyakwe Jesu abaabo bakalinga pesule bakatalika koolobesha ayi, “Aalumbaishikwe mwanaakwe Defedi! Ulicite coolwe uyo utoosa muliina lyakwe Lesa! Aalumbaishikwe Lesa kwiculu lya maculu!”

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Bene Filipi 2:13

Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

Bene Efeso 2:7

Wakacita boobo kwaamba ayi amushiindi shitoosa shoonse akanooboneshabo luse lwakwe lutana kubonekaawo, ulo ndwaakabonesha kuli ndiswe kwiinda muli Klistu Jesu.

Bene Efeso 2:4

Sombi Lesa wakatusuna abuumbi ceebo ca nkumbu shakwe shiteelekwi.

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Joni 3:16

Lesa wakasunisha bantu boonse ba mucishi ca panshi abuumbi. Aboobo wakatuma Mwanaakwe wakashalwabo eenka kwaamba ayi uyo woonse umushoma ataloobi, sombi abe abuumi butamaani.

Mika 5:5

Muleli uyo ngweshi akabaletele luumuno. Bene Asilya ndyeshi bakese mucishi cesu mukucilwana akwiinda mushiyubilo shesu shoonse, tulaakubatumina bamatanjilili besu ba bashilumamba beendaawo nkusu.

Luka 2:13

Paciindi ceenka ico kwakaboneka baanjelo baanji baanji ba kwiculu pantu pomwi amunjelo ulya, kabalumbaisha Lesa kabaamba ayi,

Luka 2:15

Ndibakaswaawo baanjelo akuboolela kwiculu, beembeshi bakalyaamboosha ayi, “Katiya tushikeeko kuBetileemu tukabone cacitika ico Mwaami Lesa ncaatwishibisha.”