Luka 19:43 - Baibo Busansulushi Bwa Libuku Ili

⁴³ Ciindi cilaakushika balwani bako ndyeshi bakashingulushe lilinga akukushinkila koonse koonse ayi ubule pakucicila.

Luka 19:43 Referans Kwoze

Esekelo 26:8

Ulaakucaya bantu bekala mumishi yako ili kuloombe lwa lweenge kumipeeni. Balaakukaba shilindi akuyaka shitunta shakutantaawo pakulwana. Pakukulwana, balaakunyamuna mayawo abo akulishitilisha kuli ndiwe cakubabo anga ndubumbu.

Esekelo 4:2

Wamanisha ubikeeko shisebensesha balwani pakushinguluka ndabala. Ukabe shilindi, uyakeko citunta cakutantaawo pakulwana, akuyaka misumba ya balwani alimwi akwiishingulusha minkulwa yakupwaishako lubumbu.

Isaya 37:33

“Aboobo pamwaami wa bene Asilya, Mwaami Lesa waamba ayi, ‘Teshi akenjilewo mundabala inene ino, nabi kuwaala mufwi muno nabi womwi. Teshi akese aliyawo kundabala inene ino nabi kushingulusha mukuti wakutantilaawo kulubumbu.

Mateyo 22:7

Mpomunyaawo mwaami wakakalala abuumbi. Mpeeke wakatuma bashilumamba bakwe kuya mukunyonyoola bacayi abo akutenta ndabala yabo inene.

Shikushimikila 9:14

Kwakalinga ndabala iniini iyo yakalinga kucite bantu baniini. Ono mwaami wa nkusu wakaya mukulwana ndabala iyo. Wakaya weeshinguluka akupanga mwakutantila pakulwana.

Luka 19:42

Wakaamba ayi, “Awebo naakwiinga kooshi sheesho shintu sheenga shakuletela luumuno. Sombi mukubula coolwe shakashisikwa kuli ndiwe.