Luka 19:29 - Baibo Busansulushi Bwa Libuku Ili

²⁹ Ndyaakashika kufwaafwi amandabala a Betifagi aBetani mweela Kalundu ka Olifi, wakatuma bashikwiiya bakwe bamwi bobilo

Luka 19:29 Referans Kwoze

Mateyo 21:17

Kuswawaawo Jesu wakabashiya akuswa mundabala iyo, waya kuBetani uko nkwaakaya mukoona.

Milimo ya Batumwi 1:12

Lyalo batumwi bakaboolela kuJelusalemu kuswa kuKalundu ka Olifi, apo pakalingabo mushinso ufwaafwi.

Sekaliya 14:4

Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Luka 24:50

Lyalo Jesu wakabatanjilila kuswa mundabala inene iyo kushikila kuBetani. Ndibakashika wakanyamuna maansaakwe akubapa coolwe.

Luka 22:39

Jesu wakaswaamo mundabala inene akuya kuKalundu ka Olifi bweenka mbwaakalinga kushibite, abalo bashikwiiya bakwe bakamukonkela.

Luka 21:37

Munshiku isho, Jesu wakalinga kwiisha muŊanda yakwe Lesa, sombi macolesha lyoonse wakalinga kuya kuKalundu ka Olifi akwikala kweenka kulya kushikila bwaca.

Luka 19:37

Ndyaakashika pafwaafwi akuJelusalemu kunkunamo ya Kalundu ka Olifi, likoto lyoonse lya bantu bakalinga kukonkela kwiisha kwakwe Jesu, lyakasangalala akutalika kulumbaisha Lesa amaswi a peculu ceebo ca milimo ya nkusu sha kwiculu njebakabona.

Luka 19:30

akubaambila ayi, “Kamuya mumushi ulya ngomutoobona. Mwashikabo, mulacana mwanaambongolo kaangitwe uyo ngobatana kutantawo kale bantu, muye mumwaangulule, mumulete kokuno.