Luka 17:26 - Baibo Busansulushi Bwa Libuku Ili

²⁶ Bweenka mbokwakalinga munshiku shakwe Nowa mbweshi kukabe amunshiku sha MwanaaMuntu.

Luka 17:26 Referans Kwoze

2 Pita 2:5

Alimwi Lesa taakwe kulekabo bantu bakulukulu abo ndyaakaleta muyoba pabantu batakalinga kumunyumfwila. Sombi wakapulushabo Nowa, uyo wakalinga kushimikila shabululami, alimwi abamwi bali bosanwe abobilo.

Luka 17:24

Mukwiinga bweenka bubeka mfula mwiculu kuswa kulubasu lumwi kushika kulubasu lumwi, mbweshi kukabe pabushiku bwakwisa MwanaaMuntu.

Bene Ebulu 11:7

Ndushomo lwakalengesha ayi Nowa anyumfwile sheesho Lesa nshaakamucenjesha, pashintu shakalinga kweelete kucitika kunembo kaatana kushibona. Wakacita kweelana abwakaamba Lesa kwiinda mukupanga bwaato, umo lakwe, bakaakwe alimwi abana bakwe mobakapulukila. Kwiinda munshila iyi Nowa wakabonesha bantu ba mucishi ca panshi ayi bakalinga kulubite, aboobo Lesa wakabanda Nowa ayi uliluleme kwiinda mukushoma nguwe.

Luka 17:22

Lyalo wakaambila bashikwiiya bakwe ayi, “Cilaakushika ciindi ndyeshi mukayande kubona nabibo bushiku bomwi bwa nshiku sha MwanaaMuntu, sombi teshi mukabuboneewo, sobwe.

2 Pita 3:6

Alimwi kwiinda mumaanshi ngomunya, bantu ba mucishi ca panshi cikulukulu bakanyonyoolwa.

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Matalikilo 6:7

Aboobo wakaamba ayi, “Ntoonyonyoola bantu abo mbondakalenga, pantu pomwi abanyama, shilongolo shinene atuniini sheenda panshi shoonse alimwi abayuni bauluka, mukwiinga canensha nsoni kubalenga.”

Luka 18:8

Ntoomulwiita ayi ulaakufwambaana kubacitila shiluleme. Ono sa MwanaaMuntu pakwisa ulaakucana bantu bashomeka?”

Matalikilo 6:8

Nakubi boobo Mwaami Lesa wakalinga kukondetwe abuumbi pali Nowa.

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

Luka 17:7

“Ino na umwi pakati kanu kaacite musebenshi ulima mumuunda nabi kweembela mbelele, sa inga ndyaakotokabo wamwaambila ayi, ‘Fwambaana kosa ulye cakulya?’

Luka 17:27

Munshiku isho bakalinga kulya, kunwa, kweeba alimwi akweebwa kushikila bushiku Nowa ndyaakenjila mubwaato. Lyalo muyoba unene wakesa akubanyonyoola boonse.