Luka 15:20 - Baibo Busansulushi Bwa Libuku Ili

²⁰ Mpomunyaawo wakanyamuka akuboolela kuli baishi. Kaacilibo palaale baishi bakamubona, mpeeke bakamunyumfwila nkumbu akumucicilila bamukumbata akumufyonta.

Luka 15:20 Referans Kwoze

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Bene Efeso 2:13

Sombi bulya ndyemuli muli Klistu Jesu, mwebo nomwakalinga palaale aLesa mwakaba pafwaafwi anguwe ceebo ca lufu lwakwe Klistu ndwaakalibenga.

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!

Matalikilo 33:4

Nakubi boobo Esau lakwe wakacica akukumbata Jakobo alimwi akumufyonta. Boonse bobilo bakalinga kulila.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Isaya 57:18

Micito yabo ndakeebona, sombi ndaakubashilika. Ndaakubatanjilila akuboombulusha.

Matalikilo 46:29

Josefu wakatanta mucikoci ca maaki cakwe akuya mukukumana abaishi muGosheni. Ndibakakumana, Josefu wakakumbata baishi munshingo akulila kwa ciindi cilaamfu.

Matalikilo 45:14

Mpomunyaawo wakakumbata Benjameni mukwabo akutalika kulila. Alakwe Benjameni wakalila pakumukumbata.

Milimo ya Batumwi 20:37

Boonse bakalinga kulila ndibakalinga kumukumbata akumufyonta pakulashanya.

Milimo ya Batumwi 2:39

Mukwiinga Lesa nshaakashomesha, wakashomesha ndimwe abana banu alimwi abaabo boonse bali kulaale, abo Mwaami Lesa mbwaaita.”

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

2 Samwelo 14:33

Mpeeke Joabu wakaya kumwaami Defedi akumulwiita makani akaamba Abusalomu. Lyalo mwaami wakatumina nkombe Abusalomu ayi ese. Alakwe wakaya akufukama cakushisha ciwa panshi kunembo lya mwaami. Mpomunyaawo mwaami wakatambula Abusalomu kwiinda mukumufyonta.

Luka 15:19

Nsheelete kwiitwa alimwi ayi mwanaanu. Sombi mundeele anga ngumusebenshi wanu.’

Luka 15:21

Mwaana uyo wakaambila baishi ayi, ‘Ta, ndakabisha kuli Lesa akuli ndimwe. Nsheelete kwiitwa ayi mwanaanu.’