Luka 15:13 - Baibo Busansulushi Bwa Libuku Ili

¹³ Kapatana kwiinda nshiku shiinji, mwanikebantu uyo wakoolisha buboni bwakwe akunyamuka lweendo kuya kucishi ca kulaale. Uko nkwaakaya, wakanyonyoola buboni bwakwe boonse mubwikaalo bubiibi.

Luka 15:13 Referans Kwoze

Jelemiya 2:5

Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.

Tushimpi 29:3

Mwaana musongo ulasangalasha baishi, sombi unyumfwana abafuule ulanyonyoolabo buboni bwakwe.

Tushimpi 21:17

Uyo usuni shakulisangalasha ulaakuba mukandu. Uyo woonse usuni waini ashakulya shibotu teshi akabileewo.

Tushimpi 28:7

Mwaana ukonkela milawo ulicite maano akunyumfwisha shintu, sombi uyo unyumfwana abalyabi ulalensha nsoni baishi.

Luka 16:19

“Kwakalinga musankwa mubile wakalinga kufwala shakufwala shamakwebo uyo wakalinga kulya kabotu lyoonse.

Luka 16:1

Jesu wakaambila bashikwiiya bakwe ayi, “Kwakalinga musankwa mubile wakalinga kucite shikulama buboni. Bantu bakaluula muntu uyo ayi utoonyonyoola buboni bwakwe.

Luka 15:30

Sombi mwanaanu uyu wakanyonyoola buboni bwanu mubanakashi bafuule, ndyaaboola kuŋanda, mwamucaila ŋombe iinite!’

Mika 6:3

Mwaami Lesa waamba ayi, “Nobantu bangu ino ndamucitanshi? Anu ndamupensha munshilanshi? Amunkumbule!

Jelemiya 2:31

Mwebo nobamulishalane lino, amuyeeye a Mwaami Lesa akwaamba ayi, ‘Sa ndaba anga nduyanga kuli ndimwe nobene Isilaeli? Sa ndaba anga ncishi ca munshinshe ushiya mbi?’ Ino ono ceebonshi nobantu bangu mutokwaamba ayi, ‘Tulyaangulukite kucita cili coonse ncetusuni, teshi tukaboolewo tubili kuli ndiwe.’

Jelemiya 2:13

Bantu bangu bakacita shibiibi shobilo. Bamfutatila nebo nekantupu ka buumi akulikabila mikalo yabo beene, mikalo itakoonshi kusunga amaanshi.

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Isaya 30:11

Amuswe munshila, mutashinkilishi muyeeyo wesu. Tatusuni kunyumfwa shaWooyo Usalalite wa bene Isilaeli.”

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.

Tushimpi 27:8

Muntu wasoweka kuswa kuŋanda yakwe, ulibo anga nkayuni kaluba kucinswa ca nkako.

Tushimpi 21:20

Mumaanda a basongo muli shakulya shibotu shiinji amafuta aanji, sombi muluya ulalita limwi shoonse nshaacite.

Tushimpi 18:9

Muntu mutolo kuncito, ulyeelenebo amuntu shikunyonyoola shintu.

Tushimpi 6:26

Ceebo mufuule ulakonsha kumubwesabo kushinkwa womwi, sombi shibulale ulaakutola buumi bwako boonse.

Kulumbaisha 73:27

Abo boonse bali kulaale amwebo balaakuloba, Ncakwiila mulaakunyonyoola abo boonse batashomeki kuli ndimwe.

2 Pita 2:13

Balaakupenshekwa ceebo bakalengesha bamwi kupenshekwa. Cibabotela balo nkucita shintu shisangalasha mibili yabo lumwi lubala. Bali anga ngamatombe mukwiinga ndibalya amwebo, balasangalala mububeshi bwabo.

Bene Efeso 2:17

Anu Klistu wakesa mukushimika Makani Abotu a luumuno kuli ndimwe nobaswamashi bakunsengwe nomwakalinga palaale aLesa, akubaJuda abo bakalinga pafwaafwi anguwe.

Bene Efeso 2:13

Sombi bulya ndyemuli muli Klistu Jesu, mwebo nomwakalinga palaale aLesa mwakaba pafwaafwi anguwe ceebo ca lufu lwakwe Klistu ndwaakalibenga.

Luka 15:12

Ono mwanikebantu wakaambila baishi ayi, ‘Ta, amumpe buboni mbonjelete kwaabilwa.’ Mpeeke ishiwabo wakabaanya buboni bwakwe kuli mbabo.

Luka 15:14

Ndyaakamana kunyonyoola buboni, mucishi ico mwakaba nsala inene abuumbi, lyalo wakatalika kupenga.