Luka 14:15 - Baibo Busansulushi Bwa Libuku Ili

¹⁵ Mpeeke womwi pabaabo Jesu mbaakalinga kulyaabo, ndyaakanyumfwa makani aya, wakaambila Jesu ayi, “Ulicite coolwe uyo eshi akacanike akulya pakusekelela muBweene bwakwe Lesa!”

Luka 14:15 Referans Kwoze

Ciyubululo 19:9

Mpomunyaawo munjelo wakandwiita ayi, “Ulembe ayi balicite coolwe abo bakatambwa kubwiinga bwa Mwanaambelele.” Alakwe munjelo wakanungaawo ayi, “Aya ngamaswi alushinisho akwe Lesa.”

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

Luka 13:29

Bantu balaakuswa kwicwe akumbo, kumatwa akumalenge kwisa mukulya muBweene bwakwe Lesa.

Mateyo 25:10

Bamyooye baluya balya kabacica mukuula mafuta, shibwiinga alakwe wakapoola. Mpeeke bamyooye bacenjete, abo bakalinga kulibambite, bakenjilaakwe shibwiinga muŋanda yabwiinga. Lyalo akumulyango kwakacalwa.

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Mateyo 8:11

Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.

Luka 22:16

Mukwiinga ntoomulwiita ayi teshi nkalye cakulya ici alimwi kushikila cikasansululwe muBweene bwakwe Lesa.”