Luka 13:6 - Baibo Busansulushi Bwa Libuku Ili

⁶ Kuswawaawo Jesu wakabaambila cikoshanyo ici ayi, “Kwakalinga muntu umwi wakalinga kucite cisamu ca mukuyu cakalinga kushangitwe mumuunda wa shisepo. Bumwi bushiku wakaya kucisamu ayi akabonemo nkuyu, sombi taakwe kushicana.

Luka 13:6 Referans Kwoze

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Bene Filipi 4:17

Teshi kwaamba ayi ndisuni kunootambulabo shipo, sombi ayi mpindu yanu ikomeneneeko.

Jelemiya 8:13

Mwaami Lesa waamba ayi, “Ndaakubanyaya butebushi bwabo. Teshi kukabewo minyansa kushisamu sha minyansa. Kushisamu sha nkuyu teshi kukabewo nkuyu amatewu a nshisho alaakuyuma. Isho nshendakabapa shoonse balaakunyaikwa.”

Luka 3:9

Bulya keembe kakutimbwishako shisamu kumiyanda kalibambitwe kale. Aboobo cisamu coonse citacati shisepo shibotu, cilaakutemwa akuwaalwa mumulilo.”

Luka 13:5

Sobwe! Sombi na mubule kusanduka kuswa kushibiibi shanu, amwebo noonse mulaakufwa.”

Boomboloshi 9:11

Awalo mukuyu wakakumbula ayi. ‘Sobwe, inga shikoonshi kucileka kucata shisepo shibotu shamise kwaamba ayi mwebo muleele.’