Luka 10:34 - Baibo Busansulushi Bwa Libuku Ili

³⁴ Wakaya mpaakalinga kulete, watila mafuta awaini pashilonda shakwe akumwaangawo shisani. Ndyaakamana wakamubwesa pambongolo yakwe akumutola kuŋanda ya beensu uko nkwaakamubamba kabotu.

Luka 10:34 Referans Kwoze

Bene Loma 12:20

Tamweelete kweelanisha bubi, sombi mulyeelete kucita bwaamba Malembo akwe Lesa ayi, “Na mulwani wako wanyumfwa nsala, mutebete, na wanyumfwa nyotwa, mupe cakunwa. Mukwiinga mukucita boobo ulaakumulengesha kunyumfwa nsoni pabubi bwakwe.”

Kulumbaisha 147:3

Ngooyumyayumya myoyo ityongookite akwaanga shilonda shabo.

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

Luka 2:7

Wakapulukaamo mwaana wakwiiya musankwa. Wakamupetelesha mushisani akumooneka mulinkubala lyakalinga kulitaamo ŋombe mukwiinga temwakalinga musena muŋanda ya beensu.

Maako 14:8

Mwanakashi uyu wacita cintu ncaakonsha kucita. Wananikilabo limwi mafuta mubili wangu kwaamba ayi unoolindilabo kufukilwa.

Kulonga 4:24

Ndibakalinga kookesha pamusena umwi pakunooya kuIjipiti, Mwaami Lesa wakakumana aMose akuyanda kumucaya.

Matalikilo 42:27

Pamusena mpobakoona, umwi wakacalula lisaka lyakwe ayi asanine mbongolo. Ndyaakacalula wakacanabo maali akwe peculu.

Luka 10:33

Sombi mwine Samaliya wakalinga pamushinso ndyaakashika pamuntu uyo akumubona, wakamunyumfwila nkumbu.

Luka 10:35

“Bushiku bwakaboolaawo mwine Samaliya uyo wakakusha maali a silifa obilo akupa shikubamba ŋanda ya beensu akwaamba ayi, ‘Mulame kabotu muntu uyu, pakuboola ndaakukulipila maali eshi akasotokeewo pasheesho nsheshi ukasebenseshe.’ ”