Luka 1:19 - Baibo Busansulushi Bwa Libuku Ili

¹⁹ Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Luka 1:19 Referans Kwoze

Luka 1:26

Mumweenshi wasanu awomwi kuswa kukumita kwakwe Lisabeti, Lesa wakatuma Gabuliyelo mundabala inene ya mucishi ca Galili iyo yakalinga kwiitwa ayi Nasaleti.

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Danyelo 8:16

Lyalo ndakanyumfwa liswi kuswa kwitala lya Mulonga wa Ulayi lyakoolobesha ayi, “Gabuliyelo, mulwiite ncecaamba cili anga nciloto ncaabona.”

Bene Ebulu 4:14

Anu atuyuminine akutolelela mulushomo ndotushimikila. Mukwiinga tulicite Mupailishi Munene wiindaawo, uyo wakenjila kwiculu kubete Lesa. Uyu nguJesu, Mwanaakwe Lesa.

Luka 2:10

Munjelo wakabaambila ayi, “Mutaloondi mukwiinga ndaleta makani abotu eshi akasangalashe bantu boonse.

Luka 1:20

Sombi tookwe kushoma makani aya eshi akacitike ciindi caakushika. Paceebo ceeco utooba cibuulu kushikila bushiku ubo shaakucitika shoonse nshindakwaambila.”

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”