Kulumbaisha 92:12 - Baibo Busansulushi Bwa Libuku Ili

¹² Ono baluleme balaswitilila bweenka tupukupuku mbotucata shisepo shiinji, balakula cakoololoka anga nshisamu sha sida sha kuLebanoni.

Kulumbaisha 92:12 Referans Kwoze

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Jelemiya 17:8

Lakwe ulaakubabo anga ncisamu cishangitwe kufwaafwi amaanshi, cisamu citola miyanda mukalonga. Taciyumiwo nabi cilimo. Matewu a ncico alatontola ciindi coonse. Mumwaaka wa cilanga calo tacipengiiwo alimwi calo cilacatabo lyoonse shisepo.

Kulumbaisha 104:16

Shisamu sha Mwaami Lesa shilatililwa cakushikaawo nkokwaamba ayi shisamu sha sida sha kuLebanoni isho nshaakashanga.

Kulumbaisha 52:8

Sombi nebo ndibo anga ncisamu ca maolifi cishangitwe muŋanda yakwe Lesa. Ndicinkite manungo mulusuno lutamaani lwakwe Lesa kwalyoonse alyoonse.

Shakubelenga 24:6

Anga njimindando ilaamfu ya tupukupuku, anga njimyuunda ili muloombe lwa mulonga, anga nshisamu sha aloyi shakashanga Mwaami Lesa, nabi anga nshisamu sha sida shili mweela maanshi.

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Isaya 65:22

Cilaakumana cakwaamba ayi bayaka ŋanda, sombi besa mukwikalaamo mbambi, nabi cakwaamba ayi balo bashanga, sombi besa mukulya mbambi. Bantu bangu balaakunookala buumi bulaamfu anga ncisamu. Ncakwiila bantu mbondakasala balaakunoolya nkasaalo yabo cakwiishishaawo.

Kulumbaisha 72:7

Bululami bulaakukula kwabuumi bwakwe boonse, alwalo lusumpuko lulaakutolelela kushikila mweenshi ukacileeke kubala.

Isaya 55:13

Apo pali myuumfwa palaakumena shisamu sha mapaini, apalo pali shisonsoonya palaakumena mishikili. Ici cilaakuba citondesho ceshi cikanoolikobo kwalyoonse alyoonse, cakwiibalukilaawo shintu isho Mwaami Lesa nshaakacita.”

1 Baami 6:29

Lubumbu lwa Musena Usalalite alwa Musena Usalalite Wiindaawo bakalubotesha mukubesaamo bakelebu, tupukupuku alimwi amaluba asapukite.

Kulumbaisha 92:7

ayi nabi bamucita shibi basumpuka calubilo bweenka bukula bwiisu, ee, nabi bacita shilubo boonse inga basumpuka, balaakunyonyoolwa cakumaninina.

1 Baami 4:33

Wakalinga kwiisha pashisamu, shishango alimwi ashisamu sha sida sha kuLebanoni kushika akumitenga ya Isopu iyo itandabalila kulubumbu. Wakalinga kwiisha apabanyama, bayuni, ntale ashintu sha mushobo uyo alimwi apanswi.

Kulumbaisha 148:9

Amumulumbaishe mwebo notulundu tuniini atunene, noshisamu sha shisepo anomisaansa ya masida.

Esita 9:5

Munshila iyo baJuda bakacita cili coonse ncebakalinga kusuni kubalwani babo. Bakabalwanisha amipeeni akubacayoola.

Kulumbaisha 37:34

Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.