Kulumbaisha 9:10 - Baibo Busansulushi Bwa Libuku Ili

¹⁰ Boonse abo beshi liina lyanu balamushoma, ceebo mwebo noBaami baLesa tamusuuli besa kuli ndimwe.

Kulumbaisha 9:10 Referans Kwoze

Kulumbaisha 91:14

Mwaami Lesa utokwaamba ayi, “Ndaakupulushabo baabo bansuni, akufuna baabo bashoma muliina lyangu.”

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Jelemiya 29:13

Mulaakunyandoola akuncana ceebo mulaakunyandoola camoyo woonse.

Kulumbaisha 5:11

Sombi abo boonse beshi bayube muli ndimwe, basangalale, alimwi lyoonse banokwiimba ceebo cakusangalala. Kamufuna baabo bamusuni. Ceebo ca ndimwe balasangalala cancinencine.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

1 Joni 5:20

Tulishi kwaamba ayi Mwanaakwe Lesa wakesa akutupa busongo ayi twishibe Lesa wancinencine. Tuli muli Lesa wancinencine ceebo tuli muli Jesu Klistu Mwanaakwe. Uyu ngoLesa wancinencine alimwi mbobuumi butamaani.

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.

Kulumbaisha 37:28

Mukwiinga Mwaami Lesa ulisuni koombolosha cakutanyengelela, alimwi taalekeleshi bantu bakwe bashomeka. Nkokwaamba ayi lyoonse ulabafuna, sombi bamulunyungu lwa bamucita shibi balaakutandwaamo.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Isaya 45:19

Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

1 Joni 2:3

Na tulakonkela milawo yakwe Lesa, anu inga tweshiba kwaamba ayi tulimwishi.

2 Samwelo 22:3

Lesa wangu ngomwaandami wangu, shikumfuna. Ulantabilila anga ndiyawo, Ee, ulamfuna akundama kabotu. Ncakwiila ngumupulushi wangu. Ulandama akumpulusha munkondo.

Kulumbaisha 37:39

Mwaami Lesa ngoopulusha baluleme, muli nguwe mobayuba muciindi ca mapensho.

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.