Kulumbaisha 83:11 - Baibo Busansulushi Bwa Libuku Ili

¹¹ Bantu babo balemekwa amubacite anga nguOlebu aSeeba. Amukome baleli babo mbuli mbomwakakoma Seba aSalumuna,

Kulumbaisha 83:11 Referans Kwoze

Boomboloshi 7:25

Bakacata bamaami bobilo ba bene Midyani Olebu aSebu. Olebu bakamucaila kulibwe lya Olebu. Alakwe Sebu wakacailwa mucilindi cakutyaninamo minyansa cakwe Sebu. Bakatolelela kuya butandaanya bene Midyani. Kuswawaawo bakaleta mutwi wakwe Olebu awakwe Sebu kuli Gidyoni uyo wakalinga kwicwe lya Joodani.

2 Baami 9:37

Sheshi shikaacaale shilaakupalanganishikwa anga ngamafumba. Taaku muntu weshi akashishiibe ayi nshakwe Jesebelo.’ ”

Jelemiya 8:2

Alaakubikwabo patuba akanoobalilwabo lumwi, mweenshi anyenyeenshi shoonse sha mwiculu isho nshebakalinga kusuni, kusebensela, kwiipushako akulambila. Teshi bakaabunjikeewo nabi kwaafukila. Sombi alaakubabo anga ngamatombe apantantaala peculu lya nshi.