Kulumbaisha 82:5 - Baibo Busansulushi Bwa Libuku Ili

⁵ “Taaku ncemwishi alimwi tamucite lushibo. Muleenda mumunshinshe uyoosha uku lwiimbi lwa cishi ca panshi kalutenkaana.

Kulumbaisha 82:5 Referans Kwoze

Kulumbaisha 11:3

Na lushomo lutooya cinyonyoolwa muntu ululeme inga wacitanshi?”

Mika 3:1

Nebo neMika ndakaamba ayi, “Amunyumfwe mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Mwebo mulyeelete kubika maano kukoombolosha cakutanyengelela,

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Tushimpi 2:13

Bulaakukupulusha kubantu bakaka kwikala munshila shiluleme, bantu basuni kweendela munshila sha munshinshe.

1 Joni 2:11

Sombi uyo upatite mubye uli mumunshinshe. Uleenda muli nguwo alimwi ankwaatooya taakwishi ceebo munshinshe wamulengesha kupofola.

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

Tushimpi 1:29

Mwakalinga kusuula lushibo lyoonse alimwi akukaka kuloonda Mwaami Lesa.

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

2 Timoti 2:19

Sombi lwiimbi luyumu lwakwe Lesa talukoonshi kutenkanishikwa alimwi palilembetwe maswi akwaamba ayi, “Mwaami ulishi baakwe,” alimwi ayi, “Uyo woonse waamba ayi uli mumaansa a Mwaami ulyeelete kucileka kucita shitaluleme.”

Joni 3:19

Bupingushi mboobu, mumuni wakesa mucishi, sombi bantu bakasuna munshinshe kwiinda mumuni mukwiinga micito yabo njibiibi.

Isaya 59:9

Bantu bakaamba ayi, “Anu nceceeco koombolosha kululame ncekwatutalamukila! Anu nceceeco kweenda cakubula kampenda ncekutabetele pafwaafwi aswebo! Tulacita ayi tulangoolewo mumuni, sombi tulacanabo munshinshe. Tuleelesha kulangila ayi mpashi kulatuba, sombi ndikwiindaawo akushiya.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Kulumbaisha 53:4

Ono Lesa uleepusha ayi, “Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuli ndime neLesa.”

Shikushimikila 3:16

Lyalo ndakabona cintu cimwi pacishi ca panshi. Pamusena wakoombolosheshaawo, bubi bwakalingaawo. Pamusena wakoombolosha cakutanyengelela, bubi bwakalingaawo.

Shikushimikila 2:14

Musongo ulaya cibona nkwaatooya, sombi muluya uleenda mumunshinshe. Sombi ndakabona kwaamba ayi boonse bobilo balacitikilwa cintu ca mushobo womwi.

Tushimpi 4:19

Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.

Kulumbaisha 75:3

Paciindi cishi ca panshi ndicitenkaana, pantu pomwi asheesho shoonse shiliimo, nebo ndime ncatilila macinko a ncico.

Jobo 8:9

Swebo tulibo bacilo, aboobo taaku ncetwishi, nshiku shesu pacishi ca panshi shilibo anga ncimfule ciindilite.

Kulumbaisha 99:1

Mwaami Lesa ulalela, bamumishobo yoonse abatutume. Ulishiite pakati ka bakelebu, cishi ca panshi acitenkaane.