Kulumbaisha 80:8 - Baibo Busansulushi Bwa Libuku Ili

⁸ Mwakatumuna bene Isilaeli mucishi ca Ijipiti anga ngumunyansa. Mwakatandaanya mishobo imwi muno kwaamba ayi mushangemo mbabo.

Kulumbaisha 80:8 Referans Kwoze

Jelemiya 2:21

Ndakakushanga bweenka mbuli munyansa ubotu wakuswa kumbuto ibotu abuumbi. Ino wakasanduka buyani kuba munyansa ulula wamuluundu?

Kulumbaisha 44:2

Twakanyumfwa mbomwakatanda mishobo ya bakunsengwe mucishi, akukalikaamo bamashali besu bakulukulu mucishi cabo. Twakanyumfwa mbuli mbomwakaanisha mishobo imwi yoonse, akulengesha mushobo wa bantu banu kuswitilila.

Esekelo 17:6

Mbuto iyo yakamena akuba cisamu ca munyansa cicite misampi ifwefwela. Misampi iyo yakakomena kuya mwiculu umo mwakalinga mumbankwashi, sombi miyanda yalo yakaya panshi. Cisamu ca munyansa ico cakaba amisampi akusonsa matewu aanji.

Jelemiya 12:10

Bamatanjilili baanji bakanyonyoola muunda wangu wa minyansa. Bakalyatoola mumuunda wangu ubotu akuulengesha kuba luundu lutacite ncito.

Milimo ya Batumwi 7:45

Kuswawaawo, bamashali besu bakulukulu bakashiilwa Tente kuswa kubamashali babo. Mpeeke bakalinga kwiinyamuna ndibakalinga aJoshiwa, pakubwesa cishi ico Lesa ncaakatandamo mishobo imwi kunembo lyabo. Bakekala aTente iyo kushikila amunshiku shakwe Defedi

Esekelo 19:10

“Nyoko wakalinga anga ncisamu ca munyansa mumuunda wa nguwo, munyansa uyo wakashangwa kweela maanshi. Cisamu ico cakalinga kucata shisepo alimwi cakalinga kucite misampi iinji abuumbi ceebo kwakalinga maanshi aanji.

Esekelo 15:6

“Paceebo ceeco, nebo neMwaami Lesa Shinkusu shoonse ndaamba ayi, ‘Bweenka mbuli mbondakapa musampi wa munyansa pashisamu shoonse sha muluundu kuba nkuni mbweeke ubo mbweshi nkacite abantu bekala muJelusalemu.

Kulumbaisha 78:55

Wakatandaanya mishobo imwi kunembo lyabo. Lyalo wakapa bene Isilaeli cishi ayi ncabo, ee, mucishi cabo wakakalikaamo bene Isilaeli.

Joshuwa 13:6

Kubaabo boonse bekala kucishi ca tulundu kuswa kuLebanoni akushika kuMisilefoti Maimu, nkokwaamba ayi bene Sidoni boonse, nebo nemwiine ndaakubatanda mucishi kunembo lya bene Isilaeli. Cishi ici ulyeelete kucibaanya bene Isilaeli kweelana ambondakulwiita.

Kulumbaisha 31:17

Nebo lyoonse ndapaila kuli ndimwe, mutakandeeki ayi nkomwe akulenshekwa nsoni. Sombi bamucita shibi balo mubalenshe nsoni. Abaye kushuumbwe cakubulawo liswi nabi lyomwi.

Kulumbaisha 60:3

Bantu banu mwabalengesha kwiinda muciindi ciyumu. Tutooya citalantantabo anga twakolwa waini.