Kulumbaisha 80:11 - Baibo Busansulushi Bwa Libuku Ili

¹¹ Bakapansa kuswa kuMediteleniyani, kuya mukushika akuMulonga wa Yufuletisi.

Kulumbaisha 80:11 Referans Kwoze

Kulumbaisha 72:8

Cishi cakwe acikaswe kulweenge lomwi tibili akulweenge lumwi. Acikaswe kuMulonga wa Yufuletisi tibili akupilila lisuba!

1 Makani 18:3

Kuswawaawo Defedi wakakoma Adadesa mwaami wa cishi ca Soba kushikila akuAmati, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

1 Baami 4:24

Solomoni wakalinga kulela cishi coonse cakalinga kumbo lya Mulonga wa Yufuletisi kuswa kuTifusa kuya mukushika akundabala inene ya Gasa. Bamaami boonse kumbo lya Yufuletisi bakalinga mumaansaakwe alimwi wakalinga kwikala muluumuno ashishi shakalinga kumushingulukite.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

Kulonga 23:31

Cishi canu cilaakutalikila kuLweenge Lusalala kushikila kuLweenge lwa Mediteleniyani, akuswa kuluyanga kushikila akuMulonga wa Yufuletisi. Ndaakumupa nkusu shakukoma beshi bakanooli mucishi ico, aboobo mulaakubatanda kunembo lyanu.

Matalikilo 15:18

Lyalo apo peenka Mwaami Lesa wakapanga cipangano aAbulamu wakaamba ayi, “Ndashomesha kupa bamulunyungu lwako cishi coonse ici kuswa kumanyinsa aIjipiti kushika akuMulonga wa Yufuletisi,