Kulumbaisha 8:2 - Baibo Busansulushi Bwa Libuku Ili

² Mwakasuminisha baana baniini abakateta ayi bamulumbaishe ceebo ca balwani banu ayi muumushe bamupatite ashikuboosha cishole.

Kulumbaisha 8:2 Referans Kwoze

Mateyo 21:16

Bakeepusha Jesu ayi, “Sa utoonyumfwa mbobatokwaamba banike aba?” Lakwe wakabakumbula ayi, “Ee, ndanyumfwa. Ono sa tamuna kubelengawo kale Malembo akwe Lesa akwaamba ayi, ‘Lesa wakabambila limwi ayi baana baniini alimwi abakateta bamulumbaishe.’ ”

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Kulumbaisha 46:10

Lesa ulaamba ayi, “Amukale muluumuno akwishiba ayi nebo ndime Lesa, ulemekwa pakati ka mishobo yoonse, alimwi ulemekwa mucishi coonse ca panshi.”

1 Bene Kolinto 1:27

Sombi Lesa wakasala shintu bantu nshebayeeya ayi nshabuluya kwaamba ayi shilenshe nsoni basongo alimwi akusala sheesho shiboneka ayi shililefukite kwaamba ayi shilenshe nsoni abo bacite nkusu.

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Luka 10:21

Paciindi ico Jesu wakasangalala muMushimu Usalashi. Mpeeke wakaamba ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite. Ncakwiila Ta, mwebo mwakacita kweelana akuyanda kwanu.

Kulumbaisha 44:16

ceebo ca maswi a mucobwe akutonta ayo aswa kubalwani bangu abo bancitile mfundilishi.

Abakuku 2:20

Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.

Kulonga 15:16

Boowa alimwi akulibilika shili pali mbabo. Ceebo ca nkusu shanu, noBaami baLesa, balacelemanabo akuloonda abuumbi, kushikila bantu banu beenda akuya bantu abo mbomwakaangulula mubusha.

Amosi 5:9

Lakwe ulaleta kunyonyoola pabeshinkusu anga nkalumba akulengesha ndabala icite malinga kunyonyoolwa.

Kulumbaisha 4:4

Kamuloonda Lesa cakubula kubisha. Kamuyeeyesha makani aya ciindi ndimukutumana pabulo.

1 Samwelo 2:9

“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.

Kulonga 11:7

Sombi balo bene Isilaeli alimwi ashifubwa shabo teshi shikakuwikweewo kabwa nabi womwi. Lyalo mulaakwishiba ayi nebo neMwaami Lesa ndakabika bupusano pakati ka bene Ijipiti alimwi abene Isilaeli.’ ”

Kulumbaisha 57:6

Balwani bangu bakanteya bukonde ayi bancaate, Buumba bweendilila nebo ndatentuka. Bakakaba cilindi munshila yangu ayi nkawiteemo, sombi bakawitaamo beene.

Kulumbaisha 148:13

Shoonse isho ashilumbaishe liina lya Mwaami Lesa ceebo liina lyakwe ndyeliinda pameena oonse. Bulemu bwakwe buleenda bwa shintu sha mucishi ca panshi asha kwiculu.

Isaya 6:3

Bakalinga koolobeshana ayi, “Ulisalalite, Ulisalalite, Ulisalalite Mwaami Lesa Shinkusu shoonse! Cishi coonse ca panshi ciliswitebo bulemu bwakwe.”