Kulumbaisha 71:16 - Baibo Busansulushi Bwa Libuku Ili

¹⁶ NobaLesa Beshinkusu shoonse ndanoolumbaisha nkusu shanu. Ndanoolumbaisha bululami bwanu, ee, bwanu nweenka.

Kulumbaisha 71:16 Referans Kwoze

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Bene Filipi 3:9

alimwi akucanika muli nguwe. Nshiliyeeyeli kwaamba ayi ndiluleme kwiinda mukukonkela Milawo, sombi bululami bwangu bulacanika kwiinda mukushoma Klistu. Bululami ubu buswa kuli Lesa bulapekwa kwiinda mulushomo.

Kulumbaisha 51:14

NobaLesa mutandeeki ayi mfwe, sombi amumpulushe. Lyalo ndaakushimikila pabululami bwanu cakukondwa.

2 Bene Tesalonika 1:6

Lesa ulaakucita ncaaelete kucita mukwiinga ulaakulengesha kupenga abo bamupensha

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Bene Efeso 3:16

Ntoosenga kuli Lesa, ayi kuswa mububile bwa bulemu bwakwe, amupe nkusu kwiinda muMushimu wakwe kwaamba ayi muyume mumyoyo yanu.

Sekaliya 10:12

Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”

Kulumbaisha 71:24

Ndaakunokwaamba shabululami bwanu cakupisha lisuba, mukwiinga abo bakalinga kusuni kuncisa, balenshekwa nsoni, akufulunganishikwa.

Kulumbaisha 71:15

Ndanooshimika shabululami bwanu alimwi alupulusho lwanu cakupisha lisuba, nabi nshishi ampolweela.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

Bene Loma 10:3

Tabeshi nshila iyo Lesa njaalulamikilamo bantu pameenso akwe. Bakeelesha kupanga nshila yabo beene. Paceebo ceeco tabakwe kusumina nshila yakwe Lesa iyo njaalulamikilamo bantu.

Bene Loma 3:21

Sombi bulya Lesa wayubulula nshila njaalulamikilamo bantu pameenso akwe. Nshila iyo teekumite kunshila yakukonkela Milawo. Milawo iyi alimwi amaswi akaamba balaluki bakulukulu, shoonse shilaamba panshila iyi.

Bene Loma 1:17

Mukwiinga Makani Abotu aya alasansulula Lesa mbwaalulamika muntu pameenso akwe. Kululamikwa uko kulacitika kulilabo na muntu washoma kuswa kumatalikilo kushikila akumeelelesho. Kweelana abwaamba Malembo akwe Lesa ayi, “Uyo ululamikwa ceebo cakushoma, ulaakuba abuumi.”

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Isaya 63:7

Ndaakushimika shankumbu sha Mwaami Lesa, ee micito iyo njaaelete kulumbaishilwaawo. Tulyeelete kumulumbaisha kweelana ashintu shoonse nshaakatucitila. Ee, shintu shibotu shiinji nshaakacitila bene Isilaeli ceebo ca nkumbu shakwe shitamaami.

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Isaya 26:13

NoBaami baLesa, baLesa besu nabi twakalelwaawo kale abamaami bamwi, sombi mwebo nweenka ndimwebo Baami baLesa besu.

Kulumbaisha 106:2

Ngani weenga waambilisha milimo ya nkusu ya Mwaami Lesa? Ngani weenga wamulumbaisha mbwaaelete?

Kulumbaisha 71:19

Bululami bwanu nobaLesa bulashika akwiculu. Mwakacita shintu shinene abuumbi. Taaku uli mbuli ndimwe nobaLesa.

Kulumbaisha 71:2

Ceebo ca bululami bwanu amumfuune akumpulusha. Amuteye matwi anu kuli ndime akumpulusha.

Kulumbaisha 29:11

Mwaami Lesa ngoopa bantu bakwe nkusu, alimwi ulapa bantu bakwe coolwe ca luumuno.

Dutolonomi 33:25

Mandabala a nguwo akacaalwe ashisasa sha nshimbi asha bulonse, alimwi keekala muluumuno kwa buumi bwakwe boonse.