Kulumbaisha 7:2 - Baibo Busansulushi Bwa Libuku Ili

² kwaamba ayi batankwamooni bucita nkalamu, akunsutoola mutupanshapansha kwakubula aumfuna.

Kulumbaisha 7:2 Referans Kwoze

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Isaya 38:13

Ndakalinga kulangila kushikila kumuyamaca, sombi bweenka bucita nkalamu wakalinga kutyoloola mafuwa angu, cakwaamba ayi mashiku amalumwi ndakalinga kuyeeya ayi utoomanisha buumi bwangu.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Tushimpi 19:12

Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Kulumbaisha 35:15

Sombi nebo ndindakalisuntula, balo bakatalika kusekelela. Bakabungana akutalika kungweluluka. Bantu mbondatakalinga kwishi bakandwana, bakamfuya cakutaboolaawo pesule nabi paniini.

Kulumbaisha 22:13

Bandakamina anga ninkalamu itoobulumina munyama ayi imulume.

Kulumbaisha 17:12

Balibo anga ninkalamu itoolindilila kucata munyama, ee, bweenka mbuli nkalamu iyubite itoomubelamina.

Kulumbaisha 10:9

Balabelaminabo anga ninkalamu iyubite, kubelamina ayi bacate bantu bataaku mbobabete. Ncakwiila balabacatisha mutoose twabo akubatola kabaya cibakwelaanya.

Jobo 10:7

Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.

2 Samwelo 14:6

Nebo nemusebenshi wanu ndakalinga kucite baana basankwa bobilo. Bumwi bushiku bakalwana kabali muluundu alimwi kakutaaku ashikubafunina. Lyalo umwi wakacaya mubye.

Boomboloshi 18:28

Anu taaku wakabafuna ceebo kwakalinga kulaamfu akuSidoni alimwi tebakalinga kunyumfwana abantu bamwi. Ndabala inene iyo yakalinga mucinyika pafwaafwi akuBeti Lewobu. Lyalo bene Dani bakayakulula ndabala inene iyo akwikalaamo.

Dutolonomi 33:20

Akwalo kumukowa wakwe Gadi wakaamba ayi, “Aalumbaishikwe Lesa uyo wakakomenya cishi cakwe. Gadi ulabelamina anga ninkalamu isuni kukwamoona lyaansa nabi mutwi.

Kulumbaisha 11:1

Nebo ndayubila muMwaami Lesa. Ino ono inga mwandwiita buyani ayi, “Uluka anga ngumuyuni ulobokele kutulundu

Kulumbaisha 16:1

Amumfuune nobaLesa, muli ndimwe moonjubila.

Kulumbaisha 31:2

Amuteye kutwi kwanu kuli ndime, mwise mumfuune cakufwambaana. Amube mwaandami wangu ngweshi nooyubaako, lilinga lyangu lya mabwe mweshi noopulukila.

Kulumbaisha 59:2

Amumfuune kubamucita shibi aba. Amumpulushe kubantu bacayi abo.