Kulumbaisha 6:10 - Baibo Busansulushi Bwa Libuku Ili

¹⁰ Balwani bangu boonse balaakulokwa akulikumbata. Cakufwambaana balaakupiluka akufwa nsoni shiinji.

Kulumbaisha 6:10 Referans Kwoze

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Kulumbaisha 86:17

Amuntondeshe cishibisho ca bubotu bwanu, kwaamba ayi balwani bangu baciboone akunyumfwa nsoni. Ceebo mwebo noBaami baLesa mwakancafwa akunkalika moyo.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Kulumbaisha 132:18

Ndaakulensha nsoni balwani bakwe, sombi buleelo bwakwe bulaakuyuma akuswitilila.”

Kulumbaisha 112:10

Muntu mubiibi ulaakushibona akukalala. Ulaakulumanya meeno akuya cinyanga tibili wafwa. Kulangila kwakwe teshi kukacitikeewo.

Kulumbaisha 73:19

Balaakunyonyoolwa cakufwambaana, lufu luyoosha lulaakubapyanga boonse!

Kulumbaisha 71:24

Ndaakunokwaamba shabululami bwanu cakupisha lisuba, mukwiinga abo bakalinga kusuni kuncisa, balenshekwa nsoni, akufulunganishikwa.

Kulumbaisha 71:13

Abo basuni kuncaya abalobelele munsoni shabo. Ee, abo basuni kuncisa abanyonyooke cakusebaana akushibulukwa.

Kulumbaisha 35:26

Abo boonse basangalala kubona mapensho angu, abalenshekwe nsoni mukukomwa alimwi abukaluyaluya. Ee, boonse balisumpula ceebo ca ndime abasebaane akulenshekwa nsoni.

Kulumbaisha 25:3

Taaku muntu ulangila kucafwikwa kuswa kuli ndimwe weshi akalenshekwe nsoni. Sombi abo bafwambaana kwaalookila Mwaami Lesa ndushinisho balaakulenshekwa nsoni.

Kulumbaisha 7:6

NoBaami baLesa, amunyamuke ono mubukali bwanu. Amubukile bukali bwa balwani bangu. Amunyamuke ono ayi muncaafwe, amoomboloshe cabululami.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Kulumbaisha 5:10

Ncakwiila amubape mulandu nobaLesa. Shintu nshebapinga kucita ashibanyonyoole. Amubataande kuswa pemeenso anu ceebo ca shibiibi shabo shiinji, alimwi aceebo cakwaashukila ndimwe.

Kulumbaisha 2:5

Lyalo ulabakalalila mubukali bwakwe akubaloondesha kubukali bwakwe bwiindaawo,

Jobo 6:29

Amunyumfwile nkumbu akucileka koombolosha cakutalulama. Mutampi mulandu ceebo taaku ncendakabisha.

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

Kulumbaisha 55:20

Mweensuma wakabukila babye. Wakapwaya cipangano cakwe.