Kulumbaisha 57:4 - Baibo Busansulushi Bwa Libuku Ili

⁴ Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Kulumbaisha 57:4 Referans Kwoze

Kulumbaisha 58:6

NoBaami baLesa amutyoloole meeno mumilomo yabo. Nkalamu sha bantu ishi amushisokoole meeno.

Tushimpi 30:14

Kuli bantu bacite meeno ali anga njimipeeni, ee, balicite micendwa ili anga nshibeshi kwaamba ayi balye akumana bakandu pacishi ca panshi, ncakwiila kwaamba ayi balobye bapenshi boonse pakati ka bantu.

Kulumbaisha 35:17

NoBaami baLesa mutootola ciindi cilaamfu buyani kamweebela? Amupulushe buumi bwangu kuswa kubulwani bwabo. Ee, amumpulushe kuswa kunkalamu ishi.

Kulumbaisha 55:21

Maswi akwe akalinga kukondelesha kwiinda bwaanda, sombi moyo wakalinga kushimbite kulupato. Maswi akwe akalinga kubombya anga ngamafuta a olifi, sombi alayasa anga njimipeeni ikolete abuumbi.

Tushimpi 12:18

Maswi abiibi alayasa kumoyo anga ngumupeeni, sombi maswi aamba musongo alashilika.

Kulumbaisha 64:3

Bantu abo balanona milaka yabo anga njimipeeni, balaŋambila maswi ayasa anga njimifwi

Kulumbaisha 52:2

Lilaya mukwipila ncito webo nkunooyeeyabo shakunyonyoola bamwi. Mulaka wako ulikolete anga nkalesala, ee, ceebo cakubeca lyoonse.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

Tushimpi 28:15

Bweenka bubuluma nkalamu nabi bukalala suntwe munene, mbweeke ubo amuleli upensha bakandu mbwaabete.

Tushimpi 25:18

Muntu upa bukamboni bwakubeca kumubye uli anga ninkoli, mupeeni nabi mufwi ukolete.

Kulumbaisha 59:7

Amunyumfwe shitooswa mumilomo yabo, Ncakwiila balaamba maswi ayasa anga njimipeeni. Beene balalibeca ayi, “Taaku weenga watunyumfwa.”

Kulumbaisha 10:9

Balabelaminabo anga ninkalamu iyubite, kubelamina ayi bacate bantu bataaku mbobabete. Ncakwiila balabacatisha mutoose twabo akubatola kabaya cibakwelaanya.

Boomboloshi 9:20

Sombi na tabwishi, mulilo ubilime kuswa kuli Abimeleki akutenta bantu ba kuShekemu boonse alimwi aba kuBeti Milo. Alimwi mulilo ubilime kuswa kubantu ba kuShekemu aba kuBeti Milo utente Abimeleki.”

Jobo 41:14

Ino ngani weenga walyaaba kumucenamuna mibanga yakwe bulya micendwa yakwe iyo mbooicite meeno aloondesha?

Kulumbaisha 43:3

Amutume mumuni wanu ashalushinisho shanu kwaamba ayi shintanjilile. Shintanjilile akunshisha kukalundu kanu kasalalite uko nkomwikala.