Kulumbaisha 53:5 - Baibo Busansulushi Bwa Libuku Ili

⁵ Ono bantu abo balaloonda abuumbi, banjilwa boowa mbobatana kubaabo kale. Lesa ulaakupalanganya shifuwa sha baabo boonse balwana bantu bakwe. Balaakulenshekwa nsoni mukubakoma ceebo Lesa wabakaka.

Kulumbaisha 53:5 Referans Kwoze

Tushimpi 28:1

Bamucita shibi balacicabo nabi taakuuwo abatoobatandaanya, sombi baluleme mbayumu myoyo bweenka mbuli nkalamu.

Bene Lefi 26:36

“Ono mwebo nomushi mukanooli mushishi shimwi, ndaakumulengesha kuba boowa cakwaamba ayi kunyumfwabo litewu litooya cuululuka kumuuwo, mwebo nkucica. Mulaakucica anga mutootandaanishikwa munkondo akuliwita nabi taapu mulwani pafwaafwi amwebo.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Esekelo 6:5

Ndaakukungubika mituntu ya bene Isilaeli kunembo lya shibumbwabumbwa shabo akupalanganya mafuwa abo kushingulusha shipaililo shabo.

Jelemiya 6:30

Bantu aba baleetwa ayi, ‘Silifa ikakitwe’ ceebo Mwaami Lesa wabakaka.”

Kulumbaisha 141:7

Lyalo balaakwaamba ayi, “Bweenka mbuli tupapaansha mbotupalangana pakupasoola nkuni, mbweeke ubo mafuwa esu mbweshi akapalangane mucuumbwe.”

1 Samwelo 14:15

Bashilumamba bene Filisiti boonse bakalinga mumishi bakaloonda abuumbi. Abo bakalinga baya mutukoto abaabo bakalinga pamisumba bakalinga kunootutumabo kuboowa. Inshi yakatenkaana, alimwi kwakaba kupilingana kunene abuumbi.

Kulumbaisha 73:20

Bweenka bulubwa ciloto na muntu wabuka macuunsa, mbweshi bakaloobe bamucita shibi na noBaami baLesa mukabuke.

Kulumbaisha 40:14

Bafwima buumi bwangu abakakomwe cilensha nsoni akupilinganishikwa maano. Ee, abo boonse bampingite abakakomwe akulokwa cakufuulwa bulemu.

Kulumbaisha 35:26

Abo boonse basangalala kubona mapensho angu, abalenshekwe nsoni mukukomwa alimwi abukaluyaluya. Ee, boonse balisumpula ceebo ca ndime abasebaane akulenshekwa nsoni.

Kulumbaisha 35:4

Abasebaane akulenshekwa nsoni abo boonse batoofwima buumi bwangu. Babooleleemo kabaloketwe abo boonse basuni kunyonyoola buumi bwangu.

Kulumbaisha 14:5

Ono bantu abo balaloonda abuumbi, ceebo Lesa uleenda abaabo baluleme.

Kulumbaisha 2:4

Uyo ucite cuuna ca bwaami kwiculu ulasekabo, Mwaami Lesa ulaweluluka miyeeyo yabo.

Malilo 2:6

Wakamwaya Ŋanda yakwe ayi ibe anga ngumuunda, ee, kunyonyoola Ŋanda umo motwakalinga kumulambilila. Mwaami Lesa walengesha Siyoni kuluba nshiku shakusekelela ashakookesha sha Cibelu. Mwaami amupailishi boonse bakanyumfwa nkusu sha bukali bwakwe.

Jobo 15:21

Matwi akwe ngeshi kunyumfwabo maswi ayoosha. Peenka mpaabonena ayi waba muluumuno, bapambi nkumutuula.

Jelemiya 49:15

Ndaakumulengesha kuceya pamishobo yoonse. Bantu boonse balaakumunyansha.