Kulumbaisha 5:7 - Baibo Busansulushi Bwa Libuku Ili

⁷ Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.

Kulumbaisha 5:7 Referans Kwoze

Kulumbaisha 138:2

Ndaakufukama kunembo lya Ŋanda yanu isalalite. Ndaakulumbaisha liina lyanu ceebo ca lusuno lwanu lutamaani akushomeka kwanu. Ee, mukwiinga mwasumpula liina lyanu amaswi anu kwiinda shintu shimwi shoonse.

Kulumbaisha 132:7

Lyalo twakaamba ayi, “Katiya kumusena uko Mwaami Lesa nkwaakala, tiya tukamulambile kunembo lya cuuna cakwe.”

Kulumbaisha 69:13

Nakubi boobo nebo ndanoopaila kuli ndimwe noBaami baLesa. NobaLesa, amukankumbule paciindi ncemubambite. Amukankumbule ceebo ca lusuno lwanu lutamaani kwiinda mukumpulusha kweelana akushomeka kwanu.

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Danyelo 6:10

Danyelo ndyaakanyumfwa ayi mwaami wapanga mulawo uyo, wakenjila mucipinda ca peculu ca ŋanda yakwe apo pakalinga mbwelyo yakalinga kulangite kundabala ya Jelusalemu. Wakalinga kufukama mankanda otatwe pabushiku akupaila mukulumba Lesa wakwe bweenka mbwaakalinga kucita kuswabo kalekale.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Milimo ya Batumwi 9:31

Muciindi ici, bashomi mushishi shoonse sha Judeya, Galili alimwi aSamaliya bakalinga muluumuno. Bashomi aba bakalinga kucatene pantu pomwi, bakafulilaako kwiinda mukuyuminishikwa aMushimu Usalashi alimwi bakalinga kulemeka Mwaami.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

1 Baami 8:38

amukutike mipailo yabo. Na bamwi pakati ka bantu banu bene Isilaeli, kwiinda mukupya myoyo, batandabika maansa kulansha kuŊanda yanu pakupaila,

Isaya 64:11

Ŋanda yanu isalalite alimwi yabulemu umo bamashali besu mobakalinga kumulumbaishila, yapya kumulilo. Misena yoonse njetwakalinga kusuni yanyonyoolwa.

Kulumbaisha 69:16

NoBaami baLesa amukumbule kusenga kwangu kwiinda mukubota kwa lusuno lwanu lutamaani. Ncakwiila kweelana akufula kwa nkumbu shanu, amumboone.

Kulumbaisha 55:16

Sombi nebo ndapailabo kuMwaami Lesa, ncakwiila alakwe ulampulusha.

Kulumbaisha 52:8

Sombi nebo ndibo anga ncisamu ca maolifi cishangitwe muŋanda yakwe Lesa. Ndicinkite manungo mulusuno lutamaani lwakwe Lesa kwalyoonse alyoonse.

Kulumbaisha 51:1

NobaLesa amunyumfwile nkumbu kweelana alusuno lwanu lutamaani. Ee, kweelana ankuumbu shanu shiinji amushiminganye milandu yangu yoonse.

Kulumbaisha 28:2

Amukutike kupaila kwangu ndyeemulila ayi muncaafwe, ee, ndyeentondeka maansa kuMusena wanu Usalalite Wiindaawo,

1 Baami 8:35

“Na mfuula mweecata ceebo bantu banu bamubishisha, ono na basanduka kuswa kushibiibi shabo akulanga kuŊanda yanu alimwi bapaila cakulibombya kuli ndimwe,

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 34:17

Baluleme ndibasenga lucafwo, Mwaami Lesa ulabakumbula akubafuna kuswa mumapensho abo oonse.

Kulumbaisha 101:7

Taaku muntu waamba shabubeshi weshi akekaale muŋanda yangu. Taaku muntu waamba nshaataciti weshi akekaale pafwaafwi anebo.

Tushimpi 6:16

Kuli shintu shosanwe acomwi Mwaami Lesa nshaapatite nabibo shosanwe ashobilo isho shimufundoosha kumoyo.

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,