Kulumbaisha 48:2 - Baibo Busansulushi Bwa Libuku Ili

² Siyoni, kalundu kakwe Lesa kasalalite nkalaamfu cakweebeleka. Nindabala inene ya Mwaami Shinkusu iyo isangalasha cishi ca panshi coonse.

Kulumbaisha 48:2 Referans Kwoze

Kulumbaisha 50:2

Bulemu bwakwe Lesa bulabala kuswa muSiyoni, ndabala inene iyo ibotu cakushika peela kubota.

Mateyo 5:35

nabi kulumbila ayi, ‘Panshibo!’ mukwiinga mpaalyata Lesa. Utalumbili alimwi ayi, ‘KuJelusalemu!’ ceebo njendabala inene ya Mwaami Munene.

Malilo 2:15

Bantu boonse beenda kufwaafwi andiwe balakukankamuka. Balakuseka akupukumuna mitwi yabo akwaamba ayi, “Sa iyi njendabala inene ilya yakalinga kwiindaawo kubota? Sa njendabala iyo yakalinga kusangalasha cishi coonse?”

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Isaya 14:13

Wakaamba mumoyo wako ayi, ‘Ntootanta kwiculu kwiine nkabike cuuna cangu ca bwaami peculu lya nyenyeenshi shakwe Lesa. Ndaakubika cuuna cangu peculu lya kalundu kakubunganinaawo, ee, peene pansonga ya kalundu kasalalite.

Danyelo 11:16

Mwaami wa bene Silya uyo weshi akabalwaane ulaakucita cili coonse ncaasuni. Taaku muntu nabi womwi weshi akakonshe kumulwana. Ulaakwikala muCishi Cakashomeshekwa alimwi cishi ico coonse kacili mumaansaakwe.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Danyelo 8:9

Pakati ka meeca one ayo, kuliica lyomwi kwakamena liica limwi. Nkusu sha liica ilyo lyakamena shakamwaikila kumalenge, kwicwe alimwi akucishi cibotu.

Isaya 66:10

“Amusangalale akukondwa pantu pomwi aJelusalemu mwebo noonse nomusuni ndabala iyi. Amusangalale cankusu mwebo nomwiilililaako mumapensho a njiyo.

Malaki 3:12

Lyalo mishobo yoonse ilaakunoomwiita ayi beshicoolwe mukwiinga cishi canu cilaakunooli cibotu abuumbi,” mbwaamba Mwaami Lesa Shinkusu shoonse.

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Kulumbaisha 76:2

Ŋanda yakwe ili muJelusalemu, ncakwiila ulekala paKalundu ka Siyoni.

Kulumbaisha 87:3

Ondabala yakwe Lesa, nyumfwa shakukulumbaisha isho shitokwambwa pali ndiwe.

Kulumbaisha 99:9

Aalumbaishikwe Mwaami Lesa, Lesa wesu, atumulambile pakalundu kakwe kasalalite! Mwaami Lesa, Lesa wesu ulisalalite!

Kulumbaisha 135:21

Aalumbaishikwe Mwaami Lesa kuswa kuSiyoni, ncakwiila amumulumbaishe uyo ukala muJelusalemu. Amulumbaishe Mwaami Lesa!

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Danyelo 11:45

Ulaakuyaka amatente akwe a bwaami pakalundu apo pali Ŋanda yakwe Lesa. Sombi ulaakufwa kwakubula nabi womwi uko umucafwa.”