Kulumbaisha 43:2 - Baibo Busansulushi Bwa Libuku Ili

² Mwebo ndimwe baLesa umo moonjuba, Ceebonshi mwansuula? Ino nceebonshi nceshi nokweendabo alyaansa munshingo ceebo ca kulyatililwa kubalwani bangu?

Kulumbaisha 43:2 Referans Kwoze

Kulumbaisha 42:9

Ndeepusha Lesa, mwaandami wangu ayi, “Ceebonshi mwandubaako? Ino nceebonshi nceshi nokweendabo alyaansa munshingo ceebo ca kulyatililwa kubalwani bangu?”

Kulumbaisha 28:7

Mwaami Lesa ngoompa nkusu akumfuna, ndushinisho ndicinkite manungo muli nguwe. Aboobo ulancafwa alimwi ndamulumbaisha cakukondwa, alimwi ndamulumba kwiinda mulwiimbo lwangu.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

Isaya 40:31

Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.

Kulumbaisha 94:14

Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.

Kulumbaisha 44:9

Ono bulya mwatufutatila akutulekela mumaansa abalwani besu. Bulya mwakacileka kuya abashilumamba besu mukulwana.

Sekaliya 10:12

Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”

Isaya 45:24

“Mukwaamba liina lyangu balaakunokwaamba ayi, ‘MuMwaami Lesa mweenkabo, momuli bululami alimwi ankusu.’ ” Boonse abo bandwana balaakwisa kuli ndime akulenshekwa nsoni.

Kulumbaisha 140:7

NoBaami baLesa noBeshinkusu shoonse, Bapulushi bangu, ndimwe mumfuna pabushiku bwa nkondo.

Kulumbaisha 77:7

“Sa Mwaami Lesa watufutatililabo limwi? Sa teshi akatunyumfwilewo nkumbu alimwi?

Kulumbaisha 71:9

Mutankaki bulya mbondacembela. Ee, mutamfutatili bulya mbondamana nkusu.

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Bene Filipi 4:13

Ndakonsha kucita shintu shoonse mukwiinga Klistu ngoompa nkusu.

Kulumbaisha 31:4

Amumfuune kutoose uto ntundateyekwa, mukwiinga mwebo ndimwe ciyubilo cangu.

Kulumbaisha 42:10

Nebo citooncima abuumbi, kucimwa kwashika amushifuwa. Balwani bangu balancobola ndibanjipusha ayi, “Anu Lesa wako uli kuli?”

Kulumbaisha 88:15

Kuswa kubwanike bwangu ndapenshekwa akuba pafwaafwi alufu. Mwebo mwacita shintu shiyoosha kuli ndime aboobo nkusu shangu shamana kubuumba.