Kulumbaisha 41:1 - Baibo Busansulushi Bwa Libuku Ili

¹ Ulicite coolwe muntu uyo uyeeyela bakandu. Mwaami Lesa ulaakumufuna muciindi ca mapensho.

Kulumbaisha 41:1 Referans Kwoze

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Tushimpi 14:21

Uyo woonse useka shikamukobonyina, ulabisha, sombi ulicite coolwe uyo ufwita nkumbu mukandu.

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Kulumbaisha 37:19

Teshi bakapengeewo nabibo muciindi cibiibi. Muciindi ca nsala balo balaakunoocite shakulya shiinji.

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.

Maako 14:7

Mukwiinga bakandu muli abo nshiku shoonse alimwi ciindi coonse na kamusuni kubacafwa, inga mwabacafwa. Sombi nebo teshi nooli anu lyoonse.

Kulumbaisha 37:26

Sombi balo lyoonse mbeshi kwaababo cakusangalala akukongosha bamwi. Bana babo abalo balaba ncoolwe kuli mbabo.

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.

Bene Galatiya 2:10

Ncebakasengabo ncakwaamba ayi tutakacileeki kucafwa bakandu mulikoto lyabo. Anebo nceceeco ncendakalinga kusunishi bunene kucita.

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

Tushimpi 16:14

Bukali bwa mwaami bulatola kulufu, sombi musongo inga wakonsha kubootobeka.

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Shikushimikila 12:1

Koibaluka Mulengi wako koocili cikula bwangu nshiku sha mapensho kashitana kushikila mukwiinga ciindi citoosa ndyeshi ukanokwaamba ayi, “Bwikaalo tabutoonsangalashaawo.”

Lute 2:19

Naomi wakeepusha ayi, “Nkuli nkomwakusha bale oonse uyu sunu? Mwalinga kusebensela mumuunda wa baani? Lesa aape coolwe muntu uyo wamucafwa!” Mpomunyaawo Lute wakaambila Naomi ayi walinga kusebensela mumuunda wa musankwa wiitwa ayi Bowasi.

Jelemiya 39:17

Sombi webo ndaakukupulusha bushiku ubo, teshi ukaabwe mumaansa a baabo mbooloonda. Nebo neMwaami Lesa ndaamba.