Kulumbaisha 34:12 - Baibo Busansulushi Bwa Libuku Ili

¹² Uyo usuni kwikala buumi bubotu akukondwa munshiku sha buumi bwakwe,

Kulumbaisha 34:12 Referans Kwoze

Dutolonomi 30:20

Ono amusune Mwaami Lesa, Lesa wanu, munoomunyumfwila alimwi akushomeka lyoonse kuli nguwe. Na munoocita boobo, mulaakwikala myaaka iinji mucishi ico ncaakashomesha cakulumbila kupa bamashali banu bakulukulu Abulaamu, Isaki alimwi aJakobo.”

Dutolonomi 6:2

Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.

Shikushimikila 3:13

Cipo cakwe Lesa kumuntu nkulya, kunwa akusangalala musheesho nshaakayuwila.

Kulumbaisha 91:16

Ndaakubapulusha akubapa buumi bulaamfu, ndaakubatondesha lupulusho lwangu.

Kulumbaisha 4:6

Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

Jobo 7:7

NobaLesa, amwiibaluke kwaamba ayi buumi bwangu bulibo anga nkuyoya kwa linkanda lyomwi. Nshiku shangu shakusangalala shamana kale.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Shikushimikila 2:3

Mukukonkela busongo ubo ndakeelesha kulisangalasha awaini sombi ndakabaabo muluya. Ndakalinga kusuni kwishiba cintu ceelete kucita bantu munshiku shiniini sha buumi bwabo pacishi ca panshi.

Kulumbaisha 21:4

Wakamusenga buumi ncakwiila amwebo mwakamupa. Mwakamupa buumi bwa lyoonse alyoonse.

Matalikilo 49:2

“Kamwisa mubungane akukutika, nobana bakwe Jakobo. Amukutike Isilaeli ishiwanu.

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.

Jobo 33:33

Sombi na taaku cakwaamba, uumunebo tontolo unkutike. Uumunebo kwaamba ayi nkwiishe shabusongo.”

Tushimpi 4:20

Omwanaangu, teya kutwi kushintu nsheentokwaamba. Kutikisha kumaswi angu.

Tushimpi 7:24

Ono nobana bangu, amunkutike. Amuteye matwi kusheesho nsheentokwaamba.

Tushimpi 9:10

“Kuloonda Mwaami Lesa ngomatalikilo a busongo, kwishiba Wooyo Usalalite nkokuba amaano akunyumfwisha shintu.