Kulumbaisha 30:6 - Baibo Busansulushi Bwa Libuku Ili

⁶ Shintu ndishakanyendela kabotu ndakaamba ayi, “Teshi nkakomweewo napaceyi.”

Kulumbaisha 30:6 Referans Kwoze

Kulumbaisha 119:117

Amuncatilile kwaamba ayi mfunwe, lyalo ndanookonkela milasho yanu lyoonse.

2 Bene Kolinto 12:7

Ono kwaamba ayi ntalisumpuli bunene ceebo ca sheesho shikankamika nshindakayubulwitwa, ndakabikwa muumfwa mumubili uyo wiimfwi muciimo ca mutumwi wakwe Satana utoonguma kwaamba ayi ntalilumbaishi.

Luka 12:19

Ono ndaakulyaambila ayi, Ulicite buboni buunji bweshi bukabule kumana kwamyaaka iinji. Aboobo liibe, kolya, konwa akusekana.’

Kulumbaisha 16:8

Lyoonse ndatanjisha Mwaami Lesa wangu. Aboobo teshi nkapenge ceebo uli pafwaafwi anebo.

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Isaya 47:7

Webo wakalinga kuyeeya ayi unanoolibo mwaami mwanakashi kwalyoonse alyoonse. Sombi tookwe kulisukamaawo ashintu ishi shitoocitika bulya nabi kuyeeyabo mbweshi shikacitike.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Kulumbaisha 10:6

Balalipamya ayi, “Nebo ndanooswitililabo lyoonse, ndanoosangalala lyoonse cakubula mapensho.”

Kulumbaisha 126:6

Muntu uyo uya bulila kaanyamwite mbuto ayi ashange, ulaakuboolelaamo kaaya bwiimba cakusangalala, kaanyamwite mile ya butebushi bwakwe.

Isaya 54:7

“Ee, kwaciindi ciniini ndakalinga ndamusuula, sombi ndaakumuboosha ankuumbu shiinji abuumbi.