Kulumbaisha 30:5 - Baibo Busansulushi Bwa Libuku Ili

⁵ Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 30:5 Referans Kwoze

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Mateyo 5:4

“Balicite coolwe abo balila, mukwiinga Lesa ulaakubasangalasha.

Isaya 26:20

Kamuya nobene misheesu, amunjile mumaandaanu. Amulicalile mushipinda shanu kushikila bukali bwakwe Lesa bwiinde.

Kulumbaisha 103:9

Taakalalili bantu kwalyoonse. Ncakwiila bukali bwakwe bulamana.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Kulumbaisha 63:3

Ceebo cakwaamba ayi lusuno lwanu lutamaani luleenda buumi kubota, nebo ndanoomulumbaisha lyoonse amulomo wangu.

Kulumbaisha 59:16

Sombi nebo ndanokwiimba nkusu shanu. Kulila bwaca ndanokwiimba shalusuno lwanu lutamaani, mukwiinga mwebo kuli ndime muli lilinga lya mabwe, kuli ndime muli ciyubilo muciindi ca mapensho.

Kulumbaisha 46:5

Ncakwiila Lesa mwaali mundabala inene iyo, teshi ikanyonyoolwe. Lesa ulaakwiifuna paciindi cakumuyamaca.

Kulumbaisha 143:8

Amuntondeshe lusuno lwanu lutamaani kulila bwaca ceebo ndicinkite manungo muli ndimwe. Muntondeshe nshila njeenjelele kutola mukwiinga ndapaila kuli ndimwe.

Kulumbaisha 103:17

Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Matalikilo 32:24

Sombi lakwe wakacaala eenka. Lyalo musankwa wakesa akutintanaakwe kushikila lisuba kaliyanda kuswa.

Ciyubululo 22:1

Kuswawaawo, munjelo wakambonesha amulonga wa maanshi apa buumi ayo akalinga kubeka. Maanshi a mumulonga uyu akalinga kukunka kuswa kucuuna ca bwaami cakwe Lesa alimwi aMwanaambelele.

Kulonga 3:15

Ubalwiite bene Isilaeli ayi nebo neMwaami Lesa, neLesa wa bamashali babo bakulukulu, neLesa wakwe Abulaamu, Isaki, alimwi aJakobo, ndakutuma kuli mbabo. Ili ndyeliina lyangu lyoonsebo. Mashalane oonse akunembo mbweshi akanoonjita ubo.

Kulumbaisha 47:7

Mukwiinga Lesa nguMwaami wa cishi coonse ca panshi. Ee, amumulumbaishe munyimbo!

Kulumbaisha 97:12

Amusangalale muMwaami Lesa mwebo nomululeme! Amulumbaishe liina lyakwe lisalalite!

Kulumbaisha 145:10

NoBaami baLesa, shilengwa shanu shoonse shilaakumulumbaisha. Ndushinisho bantu banu boonse basalalite balaakumulumbaisha.

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.